Telanganapatrika (May 2): SP Ashok Kumar 2025. జగిత్యాల జిల్లా లో నేరాల నియంత్రణకు పటిష్టమైన చర్యలు తీసుకోవాలని జగిత్యాల జిల్లా ఎస్పీ అశోక్ కుమార్ సూచించారు. జిల్లా పోలీస్ కార్యాలయంలో అశోక్ కుమార్ ఆధ్వర్యంలో నేరాల సమీక్ష సమావేశం నిర్వహించబడింది. ఈ సమావేశంలో డీఎస్పీలు, సి.ఐ లు, మరియు వివిధ పోలీస్ స్టేషన్ల ఎస్.ఐ లు పాల్గొన్నారు. ప్రధానంగా ఎస్సీ, ఎస్టీ కేసుల పురోగతి, జిల్లా వ్యాప్తంగా నమోదైన తాజా నేరాల విశ్లేషణ, నేర నివారణకు తీసుకోవాల్సిన ముందస్తు చర్యలు, సీసీటీవీ వ్యవస్థల ప్రాముఖ్యత, రాత్రి గస్తీ వ్యవస్థను బలోపేతం చేయడం, మహిళల భద్రత, రోడ్డు ప్రమాదాల నివారణ మరియు డ్రగ్స్, అసాంఘిక కార్యకలాపాలపై చర్చలు జరిగాయి.
జగిత్యాల జిల్లా SP Ashok Kumar మాట్లాడుతూ….
ఈ సందర్భంగా, జిల్లా ఎస్పీ అశోక్ కుమార్, ప్రజల భద్రతను కాపాడటంలో పోలీసుల నిబద్ధతను అభినందించారు. వారు పోలీస్ స్టేషన్లలో బాధితులకు సత్వర న్యాయం అందించడాన్ని, కేసులలో పారదర్శకంగా విచారణ జరిపి నిందితులకు శిక్షలు విధించడం ద్వారా పోలీసులపై ప్రజల నమ్మకం పెంచుకోవాలని సూచించారు. రాత్రి సమయాల్లో చోరీలు మరియు నేరాలపై కఠిన చర్యలు తీసుకోవాలని, విజిబుల్ పోలిసింగ్ మరియు పెట్రోలింగ్ ముమ్మరం చేయాలని చెప్పారు. ప్రత్యేక అవగాహన కార్యక్రమంలో, నేర స్థలంలో క్లూస్ సేకరించడం, ఘటనలపై చురుకుగా స్పందించడం వంటి అంశాలపై డాక్టర్ ఎస్. శ్రీనివాస్ సూచనలు అందించారు. ఇటీవల, పి.పి మల్లికార్జున్, అడిషనల్ పీ.పి మల్లేశ్ ని ప్రత్యేకంగా అభినందించి, హనుమాన్ జయంతి ఉత్సవాల నిర్వహణలో ఉత్తమ ప్రతిభ కనబరిచిన పోలీసు అధికారులను కూడా ప్రశంసా పత్రాలతో గౌరవించారు.
Read More: Read Today’s E-paper News in Telugu
