రాజన్న సిరిసిల్ల జిల్లా కేంద్రంలో సోషల్ మీడియాను షేక్ చేస్తున్న ఒక విచిత్రమైన ఉదంతం వెలుగుచూసింది. సాధారణంగా భూ సమస్యలు, రేషన్ కార్డులు, లేదా ప్రజా సమస్యలపై కలెక్టరేట్లో వినతిపత్రాలు ఇవ్వడం చూస్తుంటాం. కానీ, సిరిసిల్ల జిల్లాలో మాత్రం బెల్ట్ షాపుల నిర్వాహకులు చేస్తున్న ధరల దోపిడీని అరికట్టాలంటూ ఏకంగా ‘మద్యం ప్రియుల సంఘం’ ప్రతినిధులు ప్రజావాణిలో అధికారులకు ఫిర్యాదు చేశారు. ఈ Sircilla Alcohol Lovers వ్యవహారం ఇప్పుడు రాష్ట్రవ్యాప్తంగా హాట్ టాపిక్గా మారింది.
ఎమ్మార్పీ (MRP) కంటే ఎక్కువ వసూళ్లు:
బాధిత మద్యం ప్రియులు తెలిపిన వివరాల ప్రకారం.. జిల్లాలోని గ్రామగ్రామాన వెలిసిన బెల్ట్ షాపుల్లో మద్యం బాటిళ్లపై ప్రింట్ చేసిన ఎమ్మార్పీ ధరల కంటే అదనంగా 20 రూపాయల నుండి 30 రూపాయల వరకు వసూలు చేస్తున్నారని వారు ఆరోపిస్తున్నారు. కూల్ చార్జీల పేరుతో, రాత్రి సమయాల్లో నిబంధనలకు విరుద్ధంగా రేట్లు పెంచి సామాన్యులను దోచుకుంటున్నారని వినతిపత్రంలో పేర్కొన్నారు. ప్రభుత్వానికి భారీగా ఆదాయం సమకూరుస్తున్న తమపై ఇలాంటి దోపిడీ సరికాదని వారు ఆవేదన వ్యక్తం చేశారు.
ఎక్సైజ్ అధికారుల చర్యలకు డిమాండ్:
గ్రామీణ ప్రాంతాల్లో యథేచ్ఛగా సాగుతున్న బెల్ట్ షాపుల నిర్వహణపై ఎక్సైజ్ శాఖ అధికారులు పూర్తి నిఘా పెట్టాలని వారు డిమాండ్ చేశారు. నిబంధనలు ఉల్లంఘించి అదనపు రేట్లకు విక్రయించే షాపుల లైసెన్సులను రద్దు చేయాలని కోరారు. కలెక్టరేట్ వేదికగా జరిగిన ఈ Sircilla Alcohol Lovers వినతిపత్రం సమర్పణ నెటిజన్లను విపరీతంగా ఆకట్టుకోవడమే కాకుండా, గ్రామాల్లో బెల్ట్ షాపుల నియంత్రణపై సరికొత్త చర్చకు దారితీసింది.
ప్రతిరోజూ తాజా వార్తలు మీ వాట్సాప్కు నేరుగా అందుకోండి — Telanganapatrika WhatsApp Channel ని ఇప్పుడే Follow చేయండి. తాజా వార్తల కోసం మా Google News పేజీని కూడా Follow చేయండి.
