Telanganapatrika (June 28): Adilabad human trafficking arrest. ఆదిలాబాద్ జిల్లాలో మైనర్ అమ్మాయిని అక్రమంగా రాజస్థాన్కు రవాణా చేసి అమ్మిన ఘటన వెలుగులోకి వచ్చింది. ఈ మానవ అక్రమ రవాణా కేసులో ముగ్గురు నిందితులను ఆదిలాబాద్ పోలీసులు అరెస్ట్ చేశారు.
ఈ కేసులో ముఖ్య నిందితులుగా ఉన్న మహారాష్ట్రకు చెందిన దంపతులు బాపుణ్య రాజారాం ఆత్రం మరియు నిర్మల ఆత్రం, మైనర్ బాలికను మోసపూరితంగా వారి ఇంటి నుండి తీసుకెళ్లి, నగదు కోసం ఆమెను రాజస్థాన్లోని కరణ్ అనే వ్యక్తికి అప్పగించారు. కేవలం పదివేలు రూపాయలకు అమ్మినట్లు సమాచారం.
Adilabad human trafficking arrest ఘటన వివరాలు
2025 జూన్ 2న, బాలిక ఒంటరిగా ఉన్న సమయంలో నిందితులు ఆమె ఇంటికి వచ్చి, మహారాష్ట్రలో ఒక కార్యక్రమం ఉందని నమ్మబలికి ఆమెను అక్కడికి తీసుకెళ్లారు. తర్వాత నాగ్పూర్ మీదుగా రాజస్థాన్లోని కోటకు తీసుకెళ్లి, గుర్తు తెలియని గ్రామంలో కరణ్ అనే వ్యక్తికి అప్పగించారు.
ఆమెపై లైంగిక దాడులు జరిగాయని బాధితురాలి ఫిర్యాదు ఆధారంగా, POCSO చట్టం ప్రకారం కేసులు నమోదు అయ్యాయి. బాధితురాలు చివరికి తన కుటుంబానికి చేరిన తర్వాత బీంపూర్ పోలీస్ స్టేషన్లో ఫిర్యాదు నమోదైంది.
నిందితుల అరెస్టు
పోలీసులు విచారణ చేపట్టి, నిందితులు ఆదిలాబాద్ రైల్వే స్టేషన్ వద్ద పారిపోతుండగా పట్టుకున్నారు. వారి వద్ద నుంచి రూ.2000 నగదు మరియు సెల్ ఫోన్ స్వాధీనం చేసుకున్నారు.
డిఎస్పి హెచ్చరిక
ఈ కేసును పత్రికా సమావేశంలో వివరించిన ఆదిలాబాద్ డిఎస్పి ఎల్ జీవన్ రెడ్డి గారు, మానవ అక్రమ రవాణాపై కఠిన చర్యలు తీసుకుంటామని స్పష్టం చేశారు. బాలిక ప్రస్తుతం ఇంట్లో సురక్షితంగా ఉన్నదని తెలిపారు.
Read More: Read Today’s E-paper News in Telugu
