TELANGANA PATRIKA(MAY27) , World No Tobacco Day , ప్రతి సంవత్సరం మే 31వ తేదీన ప్రపంచ ఆరోగ్య సంస్థ (WHO) ఆధ్వర్యంలో ప్రపంచ నో టొబాకో డే జరుపుకుంటారు. ఈ దినోత్సవం ఉద్దేశం – పొగాకు వాడకం వల్ల కలిగే హానికర ప్రభావాలను ప్రజలకు తెలియజేయడం, దాని వినియోగాన్ని తగ్గించేందుకు చైతన్యం కల్పించడం.
పొగాకు అలవాటు – ఆరోగ్యానికి శత్రువు…
ఇప్పటి కాలంలో సిగరెట్లు, బీడీలు, చుట్టలు వంటి ధూమపాన ఉత్పత్తులు ఎన్నోమందికి అలవాటుగా మారాయి. అలాగే గుట్కా, ఖైనీ వంటి పొగాకు పదార్థాలను మానసిక, శారీరక ఆనందంగా భావించి తీసుకుంటున్నారు. కానీ ఇది పూర్తిగా ఆరోగ్యాన్ని నాశనం చేసే మార్గం అని నిపుణులు హెచ్చరిస్తున్నారు.
ధూమపానం వల్ల కలిగే ఆరోగ్య సమస్యలు..
పొగాకు ఉత్పత్తుల్లో ఉండే నికోటిన్ అనే పదార్థం మనల్ని బానిసలుగా మార్చేస్తుంది. ఇది ఊపిరితిత్తులు, గుండె, పేగులు, న్యూరాలజికల్ వ్యవస్థపై తీవ్ర ప్రభావం చూపుతుంది. ధూమపానం వలన జీవితకాలం సాధారణంగా పదేళ్లు తగ్గుతుందని వైద్య నిపుణులు చెబుతున్నారు.
World No Tobacco Day – పొగాకు వల్ల క్యాన్సర్ ప్రమాదం..
పొగాకు వినియోగం వల్ల లంగ్ క్యాన్సర్, నోటి క్యాన్సర్, గొంతు క్యాన్సర్ వంటి ప్రమాదకర వ్యాధులు వస్తాయి. ప్రపంచవ్యాప్తంగా క్యాన్సర్ మరణాలలో సుమారు 25 శాతం ధూమపానానికే కారణమని అధ్యయనాలు చెబుతున్నాయి. ముఖ్యంగా లంగ్ క్యాన్సర్ కేసులలో 85 శాతం కేసులు పొగ తాగడం వల్లే వచ్చాయని WHO పేర్కొంది.
గర్భిణీలకు ధూమపానం ముప్పు..
పొగ తాగే మహిళలకు గర్భాశయ క్యాన్సర్ ప్రమాదం ఉంది. అదేవిధంగా గర్భం దాల్చిన తరువాత శిశువు ఎదుగుదలపై ప్రతికూల ప్రభావం చూపిస్తుంది. ఇది గర్భస్రావం, తగ్గిన బరువు శిశువు పుట్టడం వంటి సమస్యలకు దారితీస్తుంది.
World No Tobacco Day శాస్త్రీయ పరిశోధనల్లో నిజాలు…
తాజా పరిశోధనల ప్రకారం, పొగ తాగే మగవారి వీర్య నాణ్యత తగ్గిపోతుంది, శుక్రకణాల సంఖ్య తగ్గుతుంది. ఇది సంతాన సాఫల్యతపై ప్రతికూలంగా ప్రభావం చూపుతుంది. అలాగే, ధూమపానం వల్ల రోగనిరోధక శక్తి బలహీనపడుతుంది, తద్వారా అనేక వ్యాధులకు గురయ్యే అవకాశాలు పెరుగుతాయి.
పాసివ్ స్మోకింగ్ – మౌన ముప్పు
పొగ తాగే వారి పక్కన ఉన్నవారు కూడా పొగను పీల్చడం ద్వారా పాసివ్ స్మోకింగ్కు గురవుతారు. దీని వల్ల కూడా లంగ్ క్యాన్సర్ వంటి రోగాలు రావచ్చు. లంగ్ క్యాన్సర్ బాధితుల్లో సుమారు 20-25 శాతం మందికి తాము పొగతాగకపోయినా పక్కన ఉన్నవారి పొగ వల్లనే వ్యాధి వచ్చిందని గుర్తించారు.
ధూమపానం మానుకుని ఆరోగ్యాన్ని రక్షించుకుందాం.
ప్రపంచ నో టొబాకో డే సందర్భంగా ప్రతి ఒక్కరినీ ఒక ప్రతిజ్ఞ తీసుకోవాలి – పొగాకు ఉత్పత్తులను వాడకూడదని. ఈ అలవాట్లను మానుకుని ఆరోగ్యవంతమైన జీవనశైలిని పాటించాలి. మీ కుటుంబాన్ని, సమాజాన్ని ధూమపానం భయం నుంచి రక్షించాలి.
World No Tobacco Day
పొగాకు అలవాటు అనేది అల్ప ఆనందాన్ని కలిగించవచ్చు కానీ దీర్ఘకాలికంగా మృత్యువు వైపు నెట్టేస్తుంది. ఈ మే 31 న నో టొబాకో డే సందర్బంగా ధూమపానం మానేసే ఆత్మవిశ్వాసాన్ని పొందుదాం. మన జీవితం మన చేతుల్లోనే ఉంది – దానిని ధూమపానం వంటి వ్యసనాలతో పాడుచేసుకోకండి.
Also Read : Read Today’s E-paper News in Telugu
