TELANGANAPATRIKA (June 20): Unemployed Youth in Telangana. ప్రస్తుత పరిస్థితుల్లో రాష్ట్రంలోని నిరుద్యోగ యువత తీవ్ర అసంతృప్తితో మండి పడుతున్నారు. ప్రభుత్వ తీరుపై అసంతృప్తి వ్యక్తం చేస్తూ వారు నిర్ధిష్టంగా కొన్ని ప్రధాన డిమాండ్లను ముందుకు తీసుకువచ్చారు. ఈ డిమాండ్లు తక్షణమే నెరవేరాలని కోరుతూ ఉద్యమం చేపడుతున్నారు.
Unemployed Youth in Telangana రెండు లక్షల ఉద్యోగాలకు వెంటనే నోటిఫికేషన్ విడుదల చేయాలి
రాష్ట్రంలో ఖాళీగా ఉన్న రెండు లక్షల ప్రభుత్వ ఉద్యోగాల నోటిఫికేషన్లు వెంటనే విడుదల చేయాలని నిరుద్యోగులు డిమాండ్ చేస్తున్నారు. కాలయాపన ఆపి, ఉద్యోగ ప్రక్రియలను వేగవంతం చేయాలని కోరుతున్నారు.
మెగా DSC నోటిఫికేషన్ విడుదల చేయాలి
ఉపాధ్యాయుల నియామకానికి సంబంధించిన మెగా DSC (District Selection Committee) నోటిఫికేషన్ ను వెంటనే విడుదల చేయాలని నిరుద్యోగ B.Ed, D.Ed విద్యార్థులు విజ్ఞప్తి చేస్తున్నారు. వేలాది ఖాళీలు ఉండగా, నోటిఫికేషన్ ఆలస్యమవ్వడం వల్ల జీవితాల్లో అయోమయం నెలకొంది.
20,000 పోలీస్ కానిస్టేబుల్ పోస్టులకు నోటిఫికేషన్ విడుదల చేయాలి
రాష్ట్ర భద్రత కోసం కీలకమైన పోలీస్ శాఖలో 20,000 కానిస్టేబుల్ పోస్టులు ఖాళీగా ఉన్నాయి. వీటికి వెంటనే నోటిఫికేషన్ విడుదల చేసి భర్తీ ప్రక్రియ ప్రారంభించాలనే డిమాండ్ ఊపందుకుంది.
2,000 గ్రూప్-II మరియు 5,000 గ్రూప్-III పోస్టులకు నోటిఫికేషన్లు ఇవ్వాలి
తెలంగాణ రాష్ట్రంలోని గ్రూప్-II మరియు గ్రూప్-III పోస్టులకు సంబంధించి TSPSC (తెలంగాణ పబ్లిక్ సర్వీస్ కమిషన్) నోటిఫికేషన్లు ఇంకా రావాల్సి ఉంది. ఈ నియామకాలు చాలా మందికి ప్రభుత్వ ఉద్యోగాల్లో స్థిరతను కల్పిస్తాయి. వీటిని వెంటనే ప్రకటించాలని నిరుద్యోగులు కోరుతున్నారు.
సంక్షేమ వసతి విద్యా సంస్థల్లో ఖాళీలను భర్తీ చేయాలి
గురుకుల పాఠశాలలు, రెసిడెన్షియల్ విద్యాసంస్థలు వంటి సంక్షేమ శాఖలో అనేక టీచింగ్, నాన్-టీచింగ్ పోస్టులు ఖాళీగా ఉన్నాయి. విద్యార్ధుల భవిష్యత్తు దృష్ట్యా వీటిని తక్షణమే భర్తీ చేయాలని డిమాండ్ చేస్తున్నారు.
Unemployed Youth in Telangana GO 46 ను రద్దు చేయాలి
ప్రభుత్వం జారీ చేసిన GO 46 నిరుద్యోగులకు తీవ్ర నష్టం కలిగించే విధంగా ఉంది. ఇది ఉద్యోగ నియామకాల్లో సవరణలకు దారితీస్తోంది. ఈ జీవోను వెంటనే రద్దు చేయాలని నిరుద్యోగ యువత గట్టిగా డిమాండ్ చేస్తున్నారు.
Read More: Read Today’s E-paper News in Telugu
