TVK Chief Vijay CBI Inquiry: నటుడు నుంచి రాజకీయ నాయకుడిగా మారిన దళపతి విజయ్ కరూర్ తొక్కిసలాట ఘటన ఇప్పటికీ వెంటాడుతోంది. గతేడాది సెప్టెంబర్‌లో జరిగిన ఈ దుర్ఘటనలో 41 మంది అభిమానులు ప్రాణాలు కోల్పోయిన విషయం దేశవ్యాప్తంగా సంచలనం సృష్టించింది.
ఈ ఘటనకు సంబంధించి సెంట్రల్ బ్యూరో ఆఫ్ ఇన్వెస్టిగేషన్ (CBI) తాజాగా కీలక చర్యలు చేపట్టింది. భద్రతా నిబంధనలు పాటించకుండా భారీ బహిరంగ సభ నిర్వహించారనే ఆరోపణల నేపథ్యంలో TVK (తమిళగ వెట్రి కజగం) పార్టీ చీఫ్ విజయ్‌ను విచారణకు పిలిచింది.
TVK Chief Vijay CBI Inquiry జనవరి 12న ఢిల్లీలో విచారణ
CBI జారీ చేసిన నోటీసుల ప్రకారం, జనవరి 12న ఢిల్లీలోని CBI ప్రధాన కార్యాలయంలో విజయ్ విచారణకు హాజరుకావాల్సి ఉంటుంది. ఈ పరిణామం రాజకీయంగా కీలకంగా మారింది.
సినిమా విడుదల వేళ కీలక పరిణామం
విజయ్ చివరి సినిమా అంటూ ప్రచారం పొందుతున్న “జనా నాయకన్” చిత్రం జనవరి 9న విడుదలకు సిద్ధమవుతున్న సమయంలో ఈ నోటీసులు రావడం ఆసక్తికరంగా మారింది.
సుప్రీంకోర్టు ఆదేశాలతో CBI దర్యాప్తు
ఈ ఘటనపై గతేడాది అక్టోబర్ 13న TVK పార్టీ దాఖలు చేసిన పిటిషన్‌ను విచారించిన సుప్రీంకోర్టు CBI దర్యాప్తుకు ఆదేశాలు జారీ చేసింది. నిష్పక్షపాత విచారణ కోసం మాజీ సుప్రీంకోర్టు న్యాయమూర్తి అజయ్ రస్తోగి నేతృత్వంలో ముగ్గురు సభ్యుల కమిటీని ఏర్పాటు చేసింది.
ఇప్పటికే పలువురు నేతల విచారణ
ఈ కేసులో భాగంగా ఇప్పటికే TVK పార్టీకి చెందిన పలువురు నేతలను CBI విచారించింది. ఇప్పుడు విజయ్‌కు నోటీసులు జారీ కావడంతో కేసు మరింత కీలక మలుపు తిరిగే అవకాశం ఉందని రాజకీయ వర్గాల్లో చర్చ సాగుతోంది.
Read More: Read Today’s E-paper News in Telugu
