మీ ఓటు ఉందా? తెలంగాణ డ్రాఫ్ట్ ఓటర్ల జాబితా విడుదల.. చెక్ చేసుకోండి

తెలంగాణలో SIR (Special Intensive Revision) ప్రక్రియలో భాగంగా డ్రాఫ్ట్ ఓటర్ల జాబితాను సోమవారం విడుదల చేశారు. తెలంగాణ చీఫ్ ఎలక్టోరల్ ఆఫీసర్ (CEO) సి. సుదర్శన్ రెడ్డి డ్రాఫ్ట్ ఎలక్టోరల్ రోల్‌ను విడుదల చేశారు.

ఓటర్లు తమ పేరు, ఓటర్ వివరాలు జాబితాలో ఉన్నాయో లేదో ఇప్పటి నుంచే చెక్ చేసుకోవచ్చు.

ఓటర్ల జాబితా ఎక్కడ చెక్ చేయాలి?

తెలంగాణ CEO అధికారిక వెబ్‌సైట్‌లో ఓటర్లు డ్రాఫ్ట్ జాబితాను పరిశీలించవచ్చు.

తెలంగాణ CEO అధికారిక వెబ్‌సైట్:
ceotelangana.nic.in
Also Read Telangana Protein Food Gap: తెలంగాణలో మహిళలు, పురుషుల ఆహారంలో భారీ తేడా

మీ పేరు డ్రాఫ్ట్ జాబితాలో ఉందో లేదో చెక్ చేసుకోవడం చాలా ముఖ్యం. పేరు కనిపించకపోతే లేదా వివరాల్లో తప్పులు ఉంటే నిర్ణీత గడువులోపు అభ్యంతరం లేదా క్లెయిమ్ దాఖలు చేయవచ్చు.

సెప్టెంబర్ 16 వరకు క్లెయిమ్స్, అభ్యంతరాలు

డ్రాఫ్ట్ ఓటర్ల జాబితా విడుదలైన వెంటనే Claims and Objections ప్రక్రియ ప్రారంభమైంది.

సెప్టెంబర్ 16 వరకు ఓటర్లు తమ క్లెయిమ్స్ లేదా అభ్యంతరాలను దాఖలు చేయవచ్చు.

డ్రాఫ్ట్ జాబితాలో పేరు కనిపించని అర్హత ఉన్న ఓటర్లు తమ ఓటు హక్కును తిరిగి పొందేందుకు క్లెయిమ్ చేసుకునే అవకాశం ఉంది.

60 లక్షల మంది ఓటర్లకు నోటీసులు?

ఓటర్ల వివరాల్లో ‘Logical Discrepancies’ లేదా అనామలీస్ ఉన్నవారికి EROల నుంచి నోటీసులు వచ్చే అవకాశం ఉంది.

వీటిలో ముఖ్యంగా:

పేరు లేదా తండ్రి పేరు వివరాల్లో తేడాలు
తోబుట్టువుల వయస్సులో అసాధారణ వ్యత్యాసం
తల్లిదండ్రులు, పిల్లల వయస్సులో వ్యత్యాసాలు
ఇతర ఓటరు వివరాల్లో తార్కిక అసమానతలు

ఇలాంటి అనామలీస్ ఉన్న ఓటర్ల సంఖ్య సుమారు 60 లక్షలు ఉన్నట్లు అధికారులు తెలిపారు.

తెలంగాణ డ్రాఫ్ట్ ఓటర్ల జాబితా విడుదల నోటీసు వస్తే ఏం చేయాలి?

అనామలీస్ ఉన్న ఓటర్లకు వారి వివరాలతో కూడిన నోటీసులు పంపించే అవకాశం ఉంది. నోటీసు అందినప్పుడు అందులో కోరిన వివరాలు, అవసరమైన పత్రాలను సమర్పించి తమ ఓటు హక్కును నిర్ధారించుకోవాలి.