TELANGANA PATRIKA(JUN 6) , SP Ashok Kumar , జగిత్యాల పట్టణం: బక్రీద్ పండుగ నేపథ్యంలో జిల్లా పోలీస్ శాఖ తరఫున విస్తృత భద్రతా ఏర్పాట్లు చేపట్టబడినట్లు జిల్లా ఎస్పీ అశోక్ కుమార్, ఐపీఎస్ తెలిపారు. ఈ సందర్భంగా మసీదులు, మార్కెట్ ప్రాంతాలు, ప్రధాన కూడళ్లలో ఏర్పాటు చేసిన పోలీస్ పికెట్లను ఎస్పీ స్వయంగా సందర్శించి భద్రతా పరిస్థితిని సమీక్షించారు. టవర్ సర్కిల్ వద్ద పికెట్ వద్ద అధికారులకు తగిన సూచనలు కూడా అందించారు.
SP Ashok Kumar శాంతియుతంగా జరుపుకుందాం: ఎస్పీ
ఎస్పీ మాట్లాడుతూ – “బక్రీద్ పండగను అందరూ కలిసిమెలిసి, శాంతియుత వాతావరణంలో జరుపుకోవాలని కోరుతున్నాం. అందుకు అనుగుణంగా పోలీస్ శాఖ తగిన భద్రతా ఏర్పాట్లు పూర్తి చేసింది” అని తెలిపారు.
చట్ట వ్యతిరేక కార్యకలాపాలకు కఠిన చర్యలు
ఎవరైనా చట్ట విరుద్ధంగా వ్యవహరించినా కఠిన చర్యలు తప్పవని హెచ్చరించారు. జిల్లా వ్యాప్తంగా చెక్‌పోస్టుల ద్వారా 24 గంటల వాహన తనిఖీలు చేపడుతున్నట్లు తెలియజేశారు. పశువుల అక్రమ రవాణా నిరోధం కోసం ప్రత్యేక దృష్టి సారించామని వెల్లడించారు.
సోషల్ మీడియాలో అపోహలు నమ్మకండి
సామాజిక మాధ్యమాల్లో వస్తున్న వదంతులపై ప్రజలు అప్రమత్తంగా ఉండాలని, అధికారుల దృష్టికి తీసుకురావాలని ఎస్పీ సూచించారు. తప్పుడు వార్తలు ఫార్వర్డ్ చేసినా, పోస్ట్ చేసినా గ్రూప్ అడ్మిన్‌లపై కూడా చర్యలు తీసుకుంటాం అని స్పష్టం చేశారు.
ఈ తనిఖీలో స్పెషల్ బ్రాంచ్ ఇన్‌స్పెక్టర్ ఆరిఫ్ అలీ ఖాన్, టౌన్ ఇన్‌స్పెక్టర్ వేణుగోపాల్, ఎస్‌ఐ కిరణ్ కుమార్, ఇతర పోలీసులు పాల్గొన్నారు.
Read More: Read Today’s E-paper News in Telugu
