Sniffer Dog Runie Adilabad: ఆదిలాబాద్ జిల్లా పోలీసు విభాగానికి అపురూప సేవలు అందించిన స్నిఫర్ కుక్క ‘రూనీ’ ఇక లేరు. వయోభారంతో మరణించిన రూనీకి జిల్లా ఎస్పీ అఖిల్ మహాజన్ అధికారికంగా నివాళులు అర్పించారు. దాదాపు 10 సంవత్సరాల సేవలో 250కి పైగా కేసులు ఛేదించడంలో, 20 మంది నిందితులను పట్టించడంలో రూనీ కీలక పాత్ర పోషించిందని ఎస్పీ పేర్కొన్నారు.
Sniffer Dog Runie Adilabad 2010లో జన్మించి, 2012 బ్యాచ్లో పోలీస్ డాగ్ స్క్వాడ్లో చేరిన రూనీ, హత్య కేసులు, దొంగతనాలు, చోరీలు వంటి అనేక క్లిష్టమైన కేసుల్లో పోలీసు దర్యాప్తుకు మేలైన ఆధారాలు అందించింది. నేరస్థులను వాసన ఆధారంగా గుర్తించడంలో ఆమె నైపుణ్యం పోలీస్ శాఖకు ఎన్నోసార్లు సహాయపడింది.
2021లో రిటైరైన రూనీ, గత కొద్ది రోజులుగా వయస్సుతో సంబంధిత అనారోగ్య సమస్యలతో బాధపడుతూ చివరికి కన్నుమూసింది. ఈ సందర్భంగా ఎస్పీ అఖిల్ మహాజన్ మాట్లాడుతూ—
“రూనీ మా విభాగానికి గర్వకారణం. దశాబ్ద కాలం పాటు ఆమె చేసిన సేవలు చిరస్మరణీయమైనవి. మిగతా స్నిఫర్ డాగ్లకు అన్ని సదుపాయాలు అందించాలనే సూచనలు అధికారులు పాటించాలి” అని తెలిపారు.
డ్యూటీ ఆఫీసర్ దత్తు రామ్, హ్యాండ్లర్ గంగన్న, డాగ్ స్క్వాడ్ సిబ్బందితో పాటు పలువురు పోలీస్ అధికారులు రూనీకి చివరి నివాళులు అర్పించారు. పోలీస్ శాఖలో రూనీ చేసిన సేవలు ఎప్పటికీ మిగిలి ఉంటాయని వారు పేర్కొన్నారు.
Read More: Read Today’s E-paper News in Telugu
