Smart Ration Cards Telangana: తెలంగాణలో అర్హులైన లబ్ధిదారులకు స్మార్ట్ రేషన్ కార్డుల పంపిణీ కొనసాగుతోంది. రాష్ట్రంలో ఇప్పటివరకు 1.06 కోట్ల మందికి స్మార్ట్ రేషన్ కార్డులు పంపిణీ చేసినట్లు సీఎం రేవంత్ రెడ్డి తెలిపారు. ఆధునిక భద్రతా ఫీచర్లతో ఈ కార్డులను రూపొందించినట్లు చెప్పారు.
సంగారెడ్డిలో శనివారం నిర్వహించిన కార్యక్రమంలో సీఎం రేవంత్ రెడ్డి స్మార్ట్ రేషన్ కార్డుల పంపిణీ కార్యక్రమంలో ముఖ్య అతిథిగా పాల్గొన్నారు. ఈ సందర్భంగా పలు సంక్షేమ పథకాల గురించి వివరించారు.
Smart Ration Cards Telangana 1.06 కోట్ల మందికి స్మార్ట్ రేషన్ కార్డులు
రాష్ట్రంలో 1.06 కోట్ల మంది ప్రజలకు స్మార్ట్ రేషన్ కార్డులు అందించినట్లు సీఎం తెలిపారు. కొత్త కార్డులను అత్యాధునిక భద్రతా ప్రమాణాలతో రూపొందించినట్లు చెప్పారు.
రేషన్ కార్డు అనేది పేదల ఆత్మగౌరవానికి ప్రతీక అని రేవంత్ రెడ్డి పేర్కొన్నారు.
ప్రతి నెలా 6 కిలోల సన్న బియ్యం
పేదలకు ప్రతి నెలా 6 కిలోల సన్న బియ్యం ఉచితంగా అందిస్తున్నామని సీఎం తెలిపారు. దేశంలో నాణ్యమైన సన్న బియ్యం అందిస్తున్న ఏకైక రాష్ట్రం తెలంగాణ అని ఆయన పేర్కొన్నారు.
పేదలకు ఉచితంగా సన్న బియ్యం అందించేందుకు ప్రభుత్వం మొత్తం ₹14,800 కోట్లు ఖర్చు చేస్తోందని చెప్పారు.
గతంలో ఇచ్చే దొడ్డు బియ్యాన్ని చాలామంది వినియోగించేవారు కాదని, అది ఇతర ప్రాంతాలకు మళ్లిపోయేదని సీఎం విమర్శించారు. ప్రస్తుతం నాణ్యమైన బియ్యం అందించడం ద్వారా పేదలకు ప్రయోజనం కలుగుతోందన్నారు.
Smart Ration Cards Telangana పదేళ్ల తర్వాత రేషన్ కార్డులు ఇచ్చాం: సీఎం
గత ప్రభుత్వం పదేళ్ల పాటు కొత్త రేషన్ కార్డులు ఇవ్వలేదని రేవంత్ రెడ్డి ఆరోపించారు. కాంగ్రెస్ ప్రభుత్వం అధికారంలోకి వచ్చిన తర్వాత రేషన్ వ్యవస్థలో మార్పులు తీసుకొచ్చామని తెలిపారు.
పేదలకు ఆహారం, ఇల్లు, దుస్తులు అందించాలన్నది ఇందిరమ్మ ఆలోచన అని, పేదల సంక్షేమం తమ బాధ్యత అని సీఎం అన్నారు.
త్వరలో ఉద్యోగ ఖాళీలు భర్తీ చేస్తాం
నిరుద్యోగ యువతకు త్వరలో ఉద్యోగాలు కల్పిస్తామని రేవంత్ రెడ్డి తెలిపారు. రాష్ట్రంలో ఖాళీగా ఉన్న ఉద్యోగాలను భర్తీ చేస్తామని చెప్పారు.
అదే సమయంలో గత ప్రభుత్వంపై విమర్శలు చేస్తూ బీఆర్ఎస్, బీజేపీ ఒకటేనని ఆరోపించారు. గత ప్రభుత్వ హయాంలో నిరుద్యోగ యువతకు తగిన అవకాశాలు లభించలేదని విమర్శించారు.
బీఆర్ఎస్ అప్పులపై సీఎం వ్యాఖ్యలు
బీఆర్ఎస్ ప్రభుత్వ హయాంలో తీసుకున్న అప్పులకు తెలంగాణ ప్రభుత్వం ఏటా ₹75,000 కోట్ల వడ్డీ చెల్లిస్తోందని రేవంత్ రెడ్డి తెలిపారు. రాష్ట్రాన్ని సంక్షోభం నుంచి బయటకు తీసుకువచ్చి సంక్షేమం వైపు నడిపిస్తున్నామని చెప్పారు.
సంగారెడ్డి పర్యటనలో సీఎం నెహ్రూ, రాజీవ్ గాంధీ విగ్రహాలను ఆవిష్కరించారు. అనంతరం స్మార్ట్ రేషన్ కార్డుల పంపిణీ కార్యక్రమంలో పాల్గొన్నారు.
Read More: Read Today’s E-paper News in Telugu
