Rajiv Yuva Vikasam Scheme Implementation: మండల స్థాయిలో బ్యాంకర్ల సమీక్షా సమావేశాలు..!

TELANGANA PATRIKA(MAY 7) , Rajiv Yuva Vikasam Scheme Implementation: యాదాద్రి భువనగిరి జిల్లా రాజీవ్ యువ వికాసం పథకం అమలులో భాగంగా, లబ్ధిదారుల ఎంపిక మరియు బ్యాంక్ లింకేజ్ ప్రక్రియలపై జిల్లాలోని వివిధ మండలాలలో బ్యాంకర్లతో సమీక్షా సమావేశాలు నిర్వహించబడ్డాయి. ఈ సమావేశాలకు ఎస్‌.సి. కార్పొరేషన్ ఎగ్జిక్యూటివ్ డైరెక్టర్ జినుకల శ్యామ్ సుందర్ హాజరై, పథకం మార్గదర్శకాలను స్పష్టంగా వివరించారు. లబ్ధిదారుల ఎంపికలో మండల అభివృద్ధి అధికారులు (ఎంపీడీఓలు), మున్సిపల్ కమీషనర్లు మరియు బ్యాంక్ మేనేజర్లు పరస్పర సమన్వయంతో పనిచేయాలనే సూచనలు ఇచ్చారు.

Rajiv Yuva Vikasam Scheme Implementation పరిశీలనకు సమగ్ర వ్యూహం

ఎంపీడీఓలు మరియు మున్సిపల్ కమీషనర్లు దరఖాస్తుల డెస్క్ వెరిఫికేషన్‌ను తక్షణమే పూర్తి చేసి, సంబంధిత బ్యాంకులకు పంపించాలని అధికారుల సూచన. మే 10లోపు తాత్కాలిక లబ్ధిదారుల జాబితా సిద్ధం చేయాలని తెలియజేశారు.

అధికారుల సూచనలు మరియు సమన్వయం:

జిల్లా బీసీ మరియు మైనారిటీ సంక్షేమ అధికారి యాదయ్య మాట్లాడుతూ, బ్యాంకులు, ఎంపీడీఓలు, మున్సిపల్ అధికారులు సమన్వయంతో పని చేయాలని, బ్యాంకులకు పంపిన జాబితాలపై దినసరి పురోగతి నివేదికలు ఇవ్వాలని స్పష్టం చేశారు.

ఈ సమీక్ష సమావేశాల్లో అడ్డగూడూరు, గుండాల, ఆత్మకూర్, మోత్కూర్, చౌటుప్పల్, నారాయణపూర్, రామన్నపేట్, వలిగొండ మండలాల ఎంపీడీఓలు, మున్సిపల్ అధికారులు, లీడ్ బ్యాంక్ మేనేజర్ శ్రీ కె. శివరామకృష్ణ, వంశీ బ్రాంచ్ మేనేజర్లు తదితరులు పాల్గొన్నారు.