వేములవాడ రాజన్న ఆలయ విస్తరణపై త్వరలో పవర్ పాయింట్ ప్రజెంటేషన్ – రూ.76 కోట్ల పనులకు టెండర్లు

TELANGANA PATRIKA(JUN 2) , వేములవాడ రాజన్న, వేములవాడ శ్రీ రాజరాజేశ్వర స్వామి దేవస్థానం విస్తరణపై త్వరలో పవర్ పాయింట్ ప్రజెంటేషన్‌ ద్వారా ప్రజలకు పూర్తి అవగాహన కల్పించనున్నారు అని ప్రభుత్వ విప్, వేములవాడ ఎమ్మెల్యే ఆది శ్రీనివాస్ తెలిపారు.

వేములవాడ రాజన్న ఆలయ విస్తరణపై ముఖ్యాంశాలు:

ఆలయ విస్తరణకు రూ. 76 కోట్లతో టెండర్లు త్వరలో పిలవనున్నారు.
రాజన్న ఆలయం మూసివేయడం లేదు; నిత్యపూజలు యథాతథంగా కొనసాగుతాయి.
భక్తుల దర్శనార్థం భీమేశ్వరాలయంలో ప్రత్యేక ఏర్పాట్లు.
50 ఎకరాల్లో ఆధునిక నూతన గోశాల నిర్మాణం.
ఆలయం పరిధిలో భద్రతా దృష్ట్యా భవనాలపై జీవో సవరణ ప్రతిపాదన.

వేములవాడ రాజన్న ఆలయ అధికారుల సందర్శన:

సోమవారం వేములవాడ ఆలయ గెస్ట్ హౌస్‌లో జరిగిన సమావేశంలో దేవాదాయ శాఖ నూతన కమిషనర్ వెంకట్రావు, కలెక్టర్ సందీప్ కుమార్ ఝా, VTDA వైస్ చైర్మన్ పాల్గొన్నారు. ఈ సమావేశంలో ఆలయ విస్తరణ, భక్తుల సౌకర్యాలపై చర్చించగా, సత్వరమే చర్యలు తీసుకోవాలని నిర్ణయం తీసుకున్నారు.

వేములవాడ రాజన్న ఆలయ అభివృద్ధి పనుల్లో భాగంగా:

భక్తుల కోసం నిత్య కల్యాణం షెడ్లు
క్యూలైన్లు, కోడెమొక్కుల కోసం ప్రత్యేక మార్గాలు
భీమేశ్వరాలయంలో తాత్కాలిక దర్శన సదుపాయాలు
గోశాల నిర్మాణానికి స్థల పరిశీలన

అపోహలకు తావులేదు:

ఎస్పీ మరియు ఎమ్మెల్యే ఆది శ్రీనివాస్ స్పష్టం చేశారు – “ఆలయాన్ని మూసివేస్తున్నామని వస్తున్న అసత్య ప్రచారాలు నమ్మవద్దు. ప్రజల మద్దతుతో అభివృద్ధి పనులు సవ్యంగా జరుగుతాయి.”