తెలంగాణపత్రిక (June 5): Operation Sindoor BJP, దేశంలో పలు రాష్ట్రాల ఎన్నికలు సమీపిస్తున్న తరుణంలో, ప్రధాని మోదీ నేతృత్వంలోని బీజేపీ మరోసారి భావోద్వేగాలను కేంద్రంగా చేసుకునే రణతంత్రంతో ముందుకు సాగుతోంది. ఇటీవల పాకిస్తాన్‌తో జరిగిన సంఘర్షణ సందర్భంలో వినిపించిన “ఓపరేషన్ సిందూర్” అనే పదాన్ని ఇప్పుడు రాజకీయ ప్రయోజనాల కోసమే వాడుతుందని విశ్లేషకులు అభిప్రాయపడుతున్నారు. జూన్ 9న మోదీ మూడో పర్యాయపు పాలనకు ఏటసరికాక, ఓపరేషన్ సిందూర్‌తో బీజేపీ ప్రజల్లో నాడిని తాకేందుకు రంగం సిద్ధం చేస్తోంది.
Operation sindoor bjp election strategy 2025
ఇది కొత్త విషయం కాదు. మోదీ తన గుజరాత్ సీఎం కాలం నుంచే హిందుత్వ భావజాలాన్ని జాతీయతతో కలిపే రాజకీయ వ్యూహంలో ప్రావీణ్యం సాధించారు. 2002లో గోద్రా ఘటన తర్వాత బీజేపీ అధికారంలో నిలదొక్కుకున్న విధానం అందరికీ తెలిసిందే. అదే తరహాలో భావోద్వేగ అంశాలను ఎన్నికల సమయంలో కలిపి ఓటర్లను ప్రభావితం చేయడంలో మోదీదే ఆధిపత్యం. ఇప్పుడు ‘ఓపరేషన్ సిందూర్’ అనే పదాన్ని ఉపయోగించి దేశ భక్తి, హిందుత్వం అనే భావాల మిశ్రమంతో మరోసారి ప్రజలను ఆకర్షించాలనే దిశగా బీజేపీ పావులు కదుపుతోంది.
ఈ ఏడాది బీహార్‌తో ప్రారంభమై, తదుపరి వేసవిలో పశ్చిమ బెంగాల్ వరకు కీలక రాష్ట్రాల ఎన్నికలు జరుగనున్నాయి. ఈ నేపథ్యంలో ఓపరేషన్ సిందూర్ బీజేపీ ప్రచార వ్యూహానికి కేంద్ర బిందువుగా మారనుందని సమాచారం. ప్రత్యర్థులు దీనిపై ఏమి స్పందించాలో కూడా నిర్ణయించుకోలేని స్థితి వస్తోంది. ఓటర్ల మనోభావాలపై బీజేపీ వేసే అంచనాలు ఎన్నికల ఫలితాల్లో ఎంత ప్రభావం చూపుతాయో వేచి చూడాలి.
ఇంకా ఇలాంటి విశ్లేషణాత్మక వార్తల కోసం www.telanganapatrika.in ను రోజు సందర్శించండి!
