Medak Cotton Purchase: మెదక్ జిల్లా రైతులకు శుభవార్త. Cotton Corporation of India (CCI) కొత్తగా అభివృద్ధి చేసిన “కపాస్ కిసాన్” మొబైల్ యాప్ ద్వారా పత్తి కొనుగోలు ప్రక్రియను పైలట్ ప్రాజెక్ట్గా ప్రారంభించబోతుంది. ఈ డిజిటల్ విధానం రైతులు నేరుగా తమ పంటను విక్రయించే అవకాశం కల్పించనుంది.
Medak Cotton Purchase కపాస్ కిసాన్ యాప్ ద్వారా పత్తి సేల్స్
CCI అధికారులు తెలిపిన వివరాల ప్రకారం, ఈ యాప్ వల్ల పత్తి విక్రయంలో పారదర్శకత పెరుగుతుంది. గతంలో మధ్యవర్తుల కారణంగా రైతులకు తగిన ధర దొరకకపోవడం సమస్యగా ఉండేది. ఇకపై రైతులు నేరుగా యాప్లో నమోదు చేసి, MSP ధరకు సమానంగా తమ పత్తిని అమ్ముకునే అవకాశం పొందుతారు.
పైలట్ ప్రాజెక్ట్ భాగంగా మెదక్ జిల్లాలోని 49 కొనుగోలు కేంద్రాలు ఈ యాప్కు అనుసంధానించబడ్డాయి. రైతులు తమ పేరు, ఆధార్ నంబర్, బ్యాంక్ వివరాలు, పంట సాగు వివరాలు నమోదు చేయాలి. నమోదు అనంతరం, వారికి పత్తి విక్రయం కోసం తేదీ, సమయం కేటాయించబడుతుంది. దీని వల్ల రైతులు ఎక్కువసేపు కేంద్రాల్లో వేచి ఉండాల్సిన అవసరం లేకుండా పోతుంది.
ప్రస్తుతం సంగారెడ్డి, సిద్దిపేట, మెదక్ జిల్లాల్లో పత్తి సాగు విస్తీర్ణం ఎక్కువగా ఉంది. ఇందులో సంగారెడ్డిలో సుమారు 3.5 లక్షల ఎకరాలు, సిద్దిపేటలో 1.08 లక్షల ఎకరాలు, మెదక్లో 35,000 ఎకరాలు పత్తి పంట పెరుగుతోంది. ఈ యాప్ వినియోగం ద్వారా రైతులు మరింత న్యాయమైన ధర పొందుతారని అధికారులు నమ్మకం వ్యక్తం చేస్తున్నారు
Read More: Read Today’s E-paper News in Telugu
