Koti Shooting Case Hyderabad, కోటి షూటింగ్ కేసులో నిందితులు పోలీసులను మభ్యపెట్టేందుకు పక్కా ప్లాన్తో వ్యవహరించినట్లు దర్యాప్తులో కీలక విషయాలు వెలుగులోకి వచ్చాయి. కోటిలోని ఎస్బీఐ బ్యాంక్ సమీపంలో కాల్పులు జరిపిన అనంతరం నిందితులు బాధితుడి బైక్పై నగదు తోడు పారిపోయినట్లు పోలీసులు నిర్ధారించారు.
ప్రాథమికంగా సీసీటీవీ ఫుటేజీ పరిశీలనలో నిందితులు కాచిగూడ రైల్వే స్టేషన్ వైపు వెళ్లినట్లు కనిపించడంతో పోలీసులు అదే దిశగా దర్యాప్తు చేపట్టారు. అయితే ఇది కావాలనే సృష్టించిన తప్పుడు మార్గమని తరువాత స్పష్టమైంది.
పోలీసుల సమాచారం ప్రకారం, నిందితులు స్టేషన్ సమీపంలో తమ స్కూటర్ను వదిలేసి రైల్వే స్టేషన్లోకి వెళ్లినట్లు నటించారు. అనంతరం స్టేషన్కు దగ్గరలోని డీ మార్ట్ వద్ద దుస్తులు మార్చుకుని, క్యాప్లు ధరించి పూర్తిగా వేషం మార్చుకుని వేరే మార్గంలో పారిపోయినట్లు సీసీటీవీ ఫుటేజీలో వెల్లడైంది.
Koti Shooting Case సీసీటీవీ ఆధారంగా కీలక పురోగతి
నిందితులు ముందుగానే ఎస్కేప్ ప్లాన్ సిద్ధం చేసుకుని పోలీసుల నిఘాను తప్పించుకునేలా వ్యవహరించినట్లు అధికారులు తెలిపారు. పలువురు సీసీటీవీ కెమెరాల్లో వేషధారణ మార్చుకున్న దృశ్యాలు నమోదయ్యాయని చెప్పారు.
ఈ కేసులో ఐదు ప్రత్యేక పోలీస్ బృందాలను రంగంలోకి దింపినట్లు వెల్లడించారు. సెంట్రల్ హైదరాబాద్ పరిధిలో వందలాది సీసీటీవీ కెమెరాల ఫుటేజీని పరిశీలిస్తూ నిందితుల పారిపోయిన మార్గాన్ని పోలీసులు పునర్నిర్మిస్తున్నారు.
ఇదిలా ఉండగా, తెల్లవారుజామున జరిగిన కాల్పుల ఘటన నగరంలో కలకలం రేపింది. ఇటీవల కాలంలో తుపాకులతో సంబంధం ఉన్న నేరాలు పెరుగుతుండటంపై ప్రజల్లో ఆందోళన వ్యక్తమవుతోంది. నిందితులను త్వరలోనే అదుపులోకి తీసుకుంటామని పోలీసులు భరోసా ఇస్తున్నారు.
