హైదరాబాద్ శంషాబాద్ విమానాశ్రయం (RGIA) లో అంతర్జాతీయ ప్రయాణికులకు నిర్వహించిన థర్మల్ స్క్రీనింగ్లో ఒక విదేశీయుడికి జ్వరం రావడంతో నగరంలో ఒక్కసారిగా ఎబోలా వైరస్ ఆందోళనలు రేకెత్తాయి. సదరు ప్రయాణికుడిని వెంటనే సికింద్రాబాద్లోని గాంధీ ఆసుపత్రి ప్రత్యేక ఐసోలేషన్ వార్డుకు తరలించారు. అయితే సోషల్ మీడియాలో వస్తున్న వార్తలపై ఆరోగ్య శాఖ అధికారులు స్పష్టతనిచ్చారు.
- ఎవరా ప్రయాణికుడు?: మోకాలి సర్జరీ కోసం సూడాన్ దేశం నుండి ఇథియోపియా మీదుగా హైదరాబాద్ వచ్చిన 35 ఏళ్ల వ్యక్తిగా గుర్తించారు.
- ఎందుకు ఐసోలేషన్?: అతని ట్రావెల్ హిస్టరీలో గత 21 రోజుల్లో ఉగాండా, దక్షిణ సూడాన్ పర్యటనలు ఉన్నందున, ముందస్తు జాగ్రత్తగా ఎబోలా నిఘా ప్రోటోకాల్స్ అమలు చేశారు.
- లక్షణాలు లేవు: సదరు వ్యక్తికి కేవలం జ్వరం మాత్రమే ఉందని, వాంతులు, రక్తస్రావం లేదా కడుపునొప్పి లాంటి ఎలాంటి ఎబోలా ప్రధాన లక్షణాలు లేవని వైద్యులు స్పష్టం చేశారు.
- అధికారుల క్లారిటీ: ఇది నిర్ధారిత Ebola Case Hyderabad కాదని, కేవలం ముందస్తు నిఘా చర్యల్లో భాగంగానే ఐసోలేషన్లో ఉంచామని గాంధీ హాస్పిటల్ సూపరింటెండెంట్ డాక్టర్ ఎన్. వాణి వెల్లడించారు.
- ల్యాబ్ పరీక్షలు: రోగి రక్తం, లాలాజల నమూనాలను సేకరించి పరీక్షల నిమిత్తం హైదరాబాద్లోని సీసీఎంబీ (CCMB) ల్యాబ్కు పంపారు, 48 గంటల్లో నివేదిక రానుంది.
నగర ప్రజలు ఎలాంటి ఆందోళనకు గురికావాల్సిన అవసరం లేదని, విమానాశ్రయంలో అంతర్జాతీయ ప్రయాణికులకు సాధారణ నిఘా ప్రక్రియ నిరంతరం కొనసాగుతుందని ఎయిర్పోర్ట్ హెల్త్ ఆఫీసర్ తెలిపారు. ఒకవేళ ల్యాబ్ రిపోర్టుల్లో నెగెటివ్ వస్తే, సదరు ప్రయాణికుడిని డిశ్చార్జ్ చేసి హోమ్ క్వారంటైన్కు పంపనున్నట్లు వైద్యులు పేర్కొన్నారు.
ప్రతిరోజూ తాజా వార్తలు మీ వాట్సాప్కు నేరుగా అందుకోండి — Telanganapatrika WhatsApp Channel ని ఇప్పుడే Follow చేయండి. తాజా వార్తల కోసం మా Google News పేజీని కూడా Follow చేయండి.
