All Eyes On ustaad bhagat singh movie tomorrow: 6 ఏళ్ల ప్రయాణానికి ఫలితం.. హరీష్ శంకర్‌కు ఇది డిసైసివ్ డే
దాదాపు 6 ఏళ్ల పాటు సాగిన నిరీక్షణ తర్వాత దర్శకుడు హరీష్ శంకర్‌కు కీలకమైన సమయం వచ్చేసింది. పవర్ స్టార్ పవన్ కళ్యాణ్ హీరోగా తెరకెక్కిన ఉస్తాద్ భగత్ సింగ్ సినిమా మార్చి 19, 2026న విడుదలకు సిద్ధమవుతోంది. ఈ సినిమా విడుదలతో హరీష్ శంకర్ కెరీర్‌లో ఒక కీలక మలుపు రానుంది.
సినిమాకు ప్రీ-రిలీజ్ బజ్ మాత్రం సగటు స్థాయిలోనే ఉంది. ముఖ్యంగా కొన్ని ప్రాంతాల్లో ధురంధర్ 2 సినిమా నుంచి గట్టి పోటీ ఎదురవుతోంది. అయినప్పటికీ, పవన్ కళ్యాణ్ స్టార్డమ్ వల్ల అడ్వాన్స్ బుకింగ్స్ మాత్రం మంచి స్థాయిలో నమోదయ్యాయి.
అయితే ట్రేడ్ నిపుణుల అభిప్రాయం ప్రకారం, ఈ బుకింగ్స్ మాత్రమే ఓపెనింగ్‌కు సరిపోవు. అసలు పరీక్ష సినిమా కంటెంట్ మీదే ఆధారపడి ఉంటుంది. ప్రేక్షకులు థియేటర్లకు వెళ్లిన తర్వాతే అసలు ఫలితం తెలుస్తుంది.
హరీష్ శంకర్ ఈసారి మంచి ఎంటర్‌టైన్‌మెంట్ అందిస్తే సినిమా రేంజ్ పూర్తిగా మారే అవకాశం ఉంది. ముఖ్యంగా ఫ్యామిలీ ఆడియన్స్‌ను ఆకట్టుకోవడం చాలా కీలకం. గతంలో వచ్చిన గబ్బర్ సింగ్ లాంటి క్లిన్ ఎంటర్‌టైన్‌మెంట్ ఇస్తే, ఫ్యామిలీ ప్రేక్షకులు థియేటర్లకు తిరిగి వచ్చే అవకాశముంది.
ఈ సినిమా హరీష్ శంకర్‌కు కేవలం మరో సినిమా కాదు.. ఇది అతని కెరీర్‌కు టర్నింగ్ పాయింట్. గతంలో వచ్చిన మిస్టర్ బచ్చన్ సినిమా ఫ్లాప్ కావడంతో, ఇప్పుడు అతనిపై భారీ ఒత్తిడి ఉంది. ఈసారి తప్పకుండా హిట్ ఇవ్వాల్సిన పరిస్థితి ఏర్పడింది.
ఒకప్పుడు పవన్ కళ్యాణ్ వరుస ఫ్లాప్స్‌లో ఉన్నప్పుడు గబ్బర్ సింగ్తో భారీ హిట్ ఇచ్చిన హరీష్ శంకర్.. ఇప్పుడు మళ్లీ అదే మ్యాజిక్ రిపీట్ చేస్తాడా అనే ఆసక్తి అందరిలో ఉంది.
All Eyes On ustaad bhagat singh movie tomorrow
మొత్తానికి, ఉస్తాద్ భగత్ సింగ్ విజయం సాధిస్తే హరీష్ శంకర్‌కు ఇది రీ-ఎంట్రీ లాంటిదే కాకుండా, పవన్ కళ్యాణ్ అభిమానుల్లో అతనికి ప్రత్యేక స్థానం మరింత బలపడుతుంది.
Read More: Read Today’s E-paper News in Telugu
