TG EAPCET Phase 2 Counselling 2026: తెలంగాణ ఉన్నత విద్యామండలి (TGCHE) TG EAPCET (TS EAMCET) 2026 రెండో విడత కౌన్సెలింగ్ ప్రక్రియను జూలై 17, 2026 నుంచి ప్రారంభించనుంది. ఇంజినీరింగ్, ఫార్మసీ, అగ్రికల్చర్ కోర్సుల్లో ప్రవేశాలు కోరుకునే అభ్యర్థులు tgeapcet.nic.in వెబ్‌సైట్‌లో రిజిస్ట్రేషన్, ఫీజు చెల్లింపు, వెబ్ ఆప్షన్లు నమోదు చేయవచ్చు.
మొదటి విడతలో సీటు రాని వారు, మెరుగైన కాలేజ్ లేదా బ్రాంచ్ కోరుకునే వారికి ఇది కీలక అవకాశం.
TG EAPCET Phase 2 Counselling 2026
ఎవరెవరు Phase 2 కౌన్సెలింగ్‌కు అర్హులు?
ఈ కేటగిరీ అభ్యర్థులు రెండో విడతలో పాల్గొనవచ్చు:
- ఫేజ్-1లో పాల్గొనని TG EAPCET అర్హత సాధించిన అభ్యర్థులు
- మొదటి విడతలో సీటు రాని అభ్యర్థులు
- సీటు వచ్చినా మెరుగైన కాలేజ్ లేదా బ్రాంచ్ కావాలనుకునే వారు
- సర్టిఫికేట్ వెరిఫికేషన్ పూర్తిచేసి వెబ్ ఆప్షన్లు నమోదు చేయని అభ్యర్థులు
ముఖ్య గమనిక: ఫేజ్-1లో ఇచ్చిన వెబ్ ఆప్షన్లు చెల్లవు. Phase 2లో అందరూ కొత్తగా వెబ్ ఆప్షన్లు నమోదు చేయాలి.
TG EAPCET Phase 2 Counselling 2026 షెడ్యూల్
| ఈవెంట్ | తేదీ |
|---|---|
| ఆన్‌లైన్ రిజిస్ట్రేషన్, ఫీజు చెల్లింపు | 17 జూలై 2026 |
| సర్టిఫికేట్ వెరిఫికేషన్ | 18 జూలై 2026 |
| వెబ్ ఆప్షన్ల నమోదు | 18 – 19 జూలై 2026 |
| వెబ్ ఆప్షన్ల ఫ్రీజింగ్ | 19 జూలై 2026 |
| సీట్ల కేటాయింపు ఫలితాలు | 22 జూలై 2026 |
| ట్యూషన్ ఫీజు చెల్లింపు, సెల్ఫ్ రిపోర్టింగ్ | 22 – 24 జూలై 2026 |
| కాలేజీల్లో ఒరిజినల్ డాక్యుమెంట్లతో రిపోర్టింగ్ | 25 – 28 జూలై 2026 |
రిజిస్ట్రేషన్ ఎలా చేయాలి?
- tgeapcet.nic.in వెబ్‌సైట్‌ను ఓపెన్ చేయండి.
- Payment of Processing Fee పై క్లిక్ చేయండి.
- TS EAMCET రిజిస్ట్రేషన్ నంబర్, హాల్ టికెట్ నంబర్, జన్మతేదీ నమోదు చేయండి.
- ఆన్‌లైన్‌లో ఫీజు చెల్లించండి.
ప్రాసెసింగ్ ఫీజు
- OC / BC అభ్యర్థులు: ₹1,200
- SC / ST అభ్యర్థులు: ₹600
ఫీజు చెల్లించిన తర్వాత కొత్త అభ్యర్థులు సర్టిఫికేట్ వెరిఫికేషన్ స్లాట్ బుక్ చేసుకోవాలి.
ఫేజ్-1లో ఫీజు చెల్లించి సర్టిఫికేట్ వెరిఫికేషన్ పూర్తిచేసిన అభ్యర్థులు మళ్లీ ఫీజు చెల్లించాల్సిన అవసరం లేదు. వారు నేరుగా వెబ్ ఆప్షన్లు నమోదు చేయవచ్చు.
TG EAPCET Phase 2 Counselling 2026 సీటు వచ్చిన తర్వాత ఏం చేయాలి?
జూలై 22న సీట్ల కేటాయింపు ఫలితాలు విడుదలైన తర్వాత:
- ట్యూషన్ ఫీజు చెల్లించాలి.
- ఆన్‌లైన్‌లో Self Reporting చేయాలి.
- జూలై 25 నుంచి 28 మధ్య కేటాయించిన కాలేజీలో ఒరిజినల్ సర్టిఫికెట్లతో హాజరై అడ్మిషన్‌ను ఖరారు చేసుకోవాలి.
కాలేజీలో రిపోర్ట్ చేయకపోతే కేటాయించిన సీటు రద్దు అవుతుంది.
Read More: Read Today’s E-paper News in Telugu
