EPFO Interest Credit: ఉద్యోగుల భవిష్యనిధి సంస్థ (EPFO) 2025-26 ఆర్థిక సంవత్సరానికి సంబంధించిన PF వడ్డీని జూలై 15 నుంచి సభ్యుల ఖాతాల్లో జమ చేసే అవకాశం ఉంది. సాధారణంగా అక్టోబర్ లేదా నవంబర్‌లో జరిగే ఈ ప్రక్రియ, ఈసారి కొత్త కేంద్రీకృత ఐటీ వ్యవస్థ (Centralised IT System) కారణంగా ముందుగానే పూర్తి కానుంది.
దాదాపు 34 కోట్ల EPF ఖాతాలకు రూ.1.44 లక్షల కోట్లకుపైగా వడ్డీ జమ కానుందని సమాచారం.
EPFO Interest Credit వడ్డీ రేటు ఎంత?
2025-26 ఆర్థిక సంవత్సరానికి కూడా 8.25% వడ్డీ రేటునే EPFO కొనసాగిస్తోంది. ఇది వరుసగా మూడో ఏడాది ఇదే రేటు.
మీ PF ఖాతాలో ఎంత వడ్డీ జమ అవుతుంది?
| PF బ్యాలెన్స్ | 8.25% వార్షిక వడ్డీ | వడ్డీ తర్వాత మొత్తం |
|---|---|---|
| ₹5,00,000 | ₹41,250 | ₹5,41,250 |
| ₹10,00,000 | ₹82,500 | ₹10,82,500 |
| ₹15,00,000 | ₹1,23,750 | ₹16,23,750 |
EPFO వడ్డీ ఎలా లెక్కిస్తుంది?
EPFO ప్రతి నెల మీ PF ఖాతాలో ఉన్న రన్నింగ్ బ్యాలెన్స్ ఆధారంగా వడ్డీని లెక్కిస్తుంది. అయితే ఆ వడ్డీని ప్రభుత్వం ఆమోదించిన తర్వాత సంవత్సరానికి ఒక్కసారే ఖాతాలో జమ చేస్తుంది.
PF ఉపసంహరణ నిబంధనలు కూడా సులభం
EPFO ఇటీవల PF నుంచి డబ్బు తీసుకునే (Partial Withdrawal) నిబంధనలను కూడా సరళీకరించింది.
ఇంతకుముందు 13 రకాల కారణాలు ఉండగా, ఇప్పుడు వాటిని మూడు ప్రధాన విభాగాలుగా మార్చింది.
వైద్యం, పిల్లల చదువు, వివాహం వంటి అత్యవసర అవసరాలు , గృహ నిర్మాణం లేదా ఇల్లు కొనుగోలు , ప్రత్యేక పరిస్థితులు
EPF బ్యాలెన్స్ ఎలా చెక్ చేయాలి?
- EPFO Member Passbook పోర్టల్‌లోకి వెళ్లండి.
- UAN, పాస్‌వర్డ్‌తో లాగిన్ అవ్వండి.
- ఆధార్‌కు లింక్ అయిన మొబైల్ నంబర్‌కు వచ్చే OTP నమోదు చేయండి.
- View Passbook పై క్లిక్ చేస్తే తాజా PF బ్యాలెన్స్ కనిపిస్తుంది.
EPFO Interest Credit ముఖ్యాంశాలు
- జూలై 15 నుంచి PF వడ్డీ జమ అయ్యే అవకాశం
- వడ్డీ రేటు 8.25%గానే కొనసాగింపు
- 34 కోట్ల EPF ఖాతాలకు వడ్డీ
- ₹5 లక్షలపై ₹41,250 వడ్డీ
- ₹10 లక్షలపై ₹82,500 వడ్డీ
- ₹15 లక్షలపై ₹1,23,750 వడ్డీ
- PF ఉపసంహరణ నిబంధనలు సరళీకరణ
Read More: Read Today’s E-paper News in Telugu
