జనసేన అధినేత, ఆంధ్రప్రదేశ్ ఉప ముఖ్యమంత్రి పవన్ కల్యాణ్ వీరాభిమాని పొనుగంటి నిరంజన్ (17) మంగళవారం రాత్రి కన్నుమూశాడు. హన్మకొండకు చెందిన నిరంజన్ జన్యుపరమైన వ్యాధితో చిన్నప్పటి నుంచే బాధపడుతూ, ఎదుగుదల లోపంతో చాలా కాలంగా మంచానికే పరిమితమయ్యాడు. ఇటీవల ఆరోగ్యం మరింత విషమించడంతో హైదరాబాద్‌లోని ఆసుపత్రికి తరలించగా చికిత్స పొందుతూ తుదిశ్వాస విడిచాడు.

పవన్ కల్యాణ్‌తో భావోద్వేగ భేటీ

కొద్ది రోజుల క్రితమే నిరంజన్ పరిస్థితి తెలుసుకున్న పవన్ కల్యాణ్ స్వయంగా అతడిని కలిసి పరామర్శించారు. అతడిని హత్తుకుని ధైర్యం చెప్పడంతో పాటు తిరుమల శ్రీవారి ప్రసాదాన్ని అందజేశారు. ఆ సమయంలో ఇద్దరూ కలిసి సెల్ఫీ దిగిన ఫోటోలు సోషల్ మీడియాలో వైరల్ అయ్యాయి.

మాట ఇచ్చి నిలబడ్డ పవన్

తనకు కుక్కపిల్ల అంటే చాలా ఇష్టమని నిరంజన్ చెప్పగా, “కొని పంపిస్తా చిన్నా” అని పవన్ కల్యాణ్ హామీ ఇచ్చారు. అదే రోజు అతనికి కుక్కపిల్లను పంపించి అభిమానుల ప్రశంసలు అందుకున్నారు. Pawan Kalyan Fan Niranjan అలాగే “OG 2 సినిమా వస్తే నువ్వే నా స్పెషల్ గెస్ట్.. కలిసి సినిమా చూద్దాం” అని కూడా మాట ఇచ్చారు.

నెరవేరని కల.. అభిమానుల్లో విషాదం

తన అభిమాన హీరోతో కలిసి OG 2 సినిమా చూడాలని నిరంజన్ ఎంతో ఆశపడ్డాడు. అయితే ఆ కల నెరవేరకముందే అతడు కన్నుమూయడం అభిమానులను తీవ్ర భావోద్వేగానికి గురిచేస్తోంది. సోషల్ మీడియాలో జనసేన కార్యకర్తలు, పవన్ అభిమానులు నిరంజన్‌కు నివాళులు అర్పిస్తున్నారు.

అభిమానుల్లో విషాదం

నిరంజన్ మరణవార్త తెలిసిన వెంటనే సోషల్ మీడియాలో సంతాప సందేశాలు వెల్లువెత్తుతున్నాయి. పవన్ కల్యాణ్ అభిమానులు అతని చివరి కోరికలు, పవన్ చూపిన అభిమానాన్ని గుర్తు చేసుకుంటూ భావోద్వేగ పోస్టులు చేస్తున్నారు.

FAQs

Pawan Kalyan Fan Niranjan ఎవరు?

హన్మకొండకు చెందిన జనసేన అధినేత పవన్ కల్యాణ్ వీరాభిమాని.

నిరంజన్ ఏ కారణంతో మరణించాడు?

జన్యుపరమైన వ్యాధితో చాలాకాలంగా బాధపడుతూ చికిత్స పొందుతూ కన్నుమూశాడు.

పవన్ కల్యాణ్ నిరంజన్‌ను ఎప్పుడు కలిశారు?

గత నెలలో స్వయంగా వెళ్లి పరామర్శించి ధైర్యం చెప్పారు.