Hyderabad Food Safety Raids :హైదరాబాద్లోని మదీనగూడ GSM మాల్లో ఉన్న ప్రముఖ రెస్టారెంట్లు బార్బెక్యూ నేషన్, చైనీస్ వోక్పై ఫుడ్ సేఫ్టీ అధికారులు ఆకస్మిక తనిఖీలు నిర్వహించారు.
ఈ తనిఖీల్లో పరిశుభ్రత, ఆహార నిల్వ, సిబ్బంది నిర్వహణలో పలు లోపాలు గుర్తించినట్లు అధికారులు తెలిపారు.
Hyderabad Food Safety Raids బార్బెక్యూ నేషన్లో గుర్తించిన లోపాలు
- ఫుడ్ స్టోరేజ్ ప్రాంతంలో బొద్దింకలు కనిపించాయి.
- కూరగాయల క్రేట్లు, వాటర్ కంటైనర్లు పరిశుభ్రంగా లేకపోవడం అధికారులు గుర్తించారు.
- లేబుల్ లేని బ్రౌనీలు, కుల్ఫీలను వెంటనే తొలగించారు.
- వంటకు ఉపయోగించే చాపింగ్ బోర్డులు శుభ్రంగా లేకపోవడం కూడా గుర్తించారు.
అలాగే ఫుడ్ టెస్టింగ్ రికార్డులు, ప్యాకేజింగ్ మెటీరియల్ వివరాలు, పెస్ట్ కంట్రోల్ రికార్డులను రెస్టారెంట్ యాజమాన్యం చూపించలేకపోయింది.
చైనీస్ వోక్లో బయటపడిన అంశాలు
- గడువు ముగిసిన వండిన అన్నం, పరిశుభ్రంగా లేని గుడ్లను ఉపయోగిస్తున్నట్లు అధికారులు గుర్తించారు.
- రైస్, నూడుల్స్ తయారీ ప్రాంతంలోని నీటి ట్యాప్లు కూడా మురికిగా ఉన్నాయి.
- ఫుడ్ హ్యాండ్లర్లు పరిశుభ్రత పాటించకపోవడం, ఒక ఉద్యోగి గోర్లు కత్తిరించకుండా పనిచేస్తున్నట్లు గుర్తించారు.
- అలాగే ఫుడ్ టెస్టింగ్ రికార్డులు, ఉద్యోగుల వార్షిక మెడికల్ ఫిట్నెస్ రికార్డులు అందుబాటులో లేకపోయాయి.
FSSAI లైసెన్స్ కూడా ప్రదర్శించలేదు
చైనీస్ వోక్ రెస్టారెంట్లో తప్పనిసరిగా ప్రదర్శించాల్సిన FSSAI లైసెన్స్ కనిపించలేదని అధికారులు తెలిపారు.
అధికారుల సూచనలు
ఆహార భద్రత నిబంధనలను అన్ని రెస్టారెంట్లు తప్పనిసరిగా పాటించాలని అధికారులు హెచ్చరించారు.
పరిశుభ్రత, నాణ్యమైన ఆహారం, సరైన రికార్డుల నిర్వహణపై ప్రత్యేక దృష్టి పెట్టాలని సూచించారు.
Read More: Read Today’s E-paper News in Telugu
