Rythu Bharosa Funds : రైతుల ఖాతాల్లోకి డబ్బులు.. జూన్ 30 నుంచి రైతు భరోసా

Rythu Bharosa Funds: తెలంగాణ రైతులకు రాష్ట్ర ప్రభుత్వం శుభవార్త చెప్పింది. రైతు భరోసా పథకం కింద సుమారు రూ.9,000 కోట్లను జూన్ 30 నుంచి రైతుల ఖాతాల్లో జమ చేయనున్నట్లు ప్రకటించింది. ఖమ్మం జిల్లా మధిరలో నిర్వహించే రైతు సమ్మేళనంలో ముఖ్యమంత్రి రేవంత్ రెడ్డి ఈ కార్యక్రమాన్ని ప్రారంభించనున్నారు.

9 రోజుల్లో రైతుల ఖాతాల్లో రూ.9,000 కోట్లు

ఖరీఫ్ 2026-27 సీజన్‌కు సంబంధించి పంట పెట్టుబడి సాయంగా రైతుల ఖాతాల్లో నేరుగా నిధులు జమ చేయనున్నారు. మొత్తం రూ.9,000 కోట్లను 9 రోజుల వ్యవధిలో రైతులకు అందించేందుకు ప్రభుత్వం ఏర్పాట్లు చేస్తోంది.

కేంద్రం ప్రతిపాదించిన మార్పులపై అధ్యయనం

గ్రామీణ ఉపాధి హామీ పథకంలో కేంద్ర ప్రభుత్వం ప్రతిపాదించిన మార్పులపై అధ్యయనం చేసేందుకు రాష్ట్ర ప్రభుత్వం కేబినెట్ ఉపసంఘాన్ని ఏర్పాటు చేయనుంది. ఈ కమిటీ ఇతర రాష్ట్రాల్లో పరిస్థితులను పరిశీలించి, తెలంగాణపై పడే ఆర్థిక భారం ఎంత ఉంటుందో అంచనా వేసి ప్రభుత్వానికి నివేదిక సమర్పించనుంది.

Telangana Railway Projects 2026 New Railway Lines Construction Update

Also Read Telangana Railway Projects: తెలంగాణలో రూ.40,769 కోట్ల రైల్వే ప్రాజెక్టులు.. మీ జిల్లాకు లాభం ఉంటుందా?

రామగుండం యూరియా తెలంగాణకే ఇవ్వాలని డిమాండ్

రామగుండంలోని ఎరువుల కర్మాగారంలో ఉత్పత్తి అయ్యే యూరియాలో తెలంగాణకు ఎక్కువ వాటా కేటాయించాలని రాష్ట్ర ప్రభుత్వం కేంద్రాన్ని కోరనుంది. స్థానికంగా ఉత్పత్తి అయ్యే యూరియా తెలంగాణ రైతులకు అందితే రవాణా ఖర్చులు తగ్గడంతో పాటు ఎరువుల కొరత సమస్య కూడా తగ్గుతుందని ప్రభుత్వం భావిస్తోంది.

Rythu Bharosa Funds రైతులకు కీలక సూచనలు

వర్షాభావ పరిస్థితులు ఉండే అవకాశం ఉందని వాతావరణ శాఖ హెచ్చరికల నేపథ్యంలో రైతులు తొలకరి వర్షాలు పడగానే విత్తనాలు వేయడానికి తొందరపడవద్దని వ్యవసాయ శాఖ సూచించింది.

వ్యవసాయ అధికారుల సలహాలు తీసుకుని, నేలలో తగినంత తేమ ఉన్న తర్వాతే విత్తనాలు వేయాలని సూచించింది.