పెద్దపల్లి తండ్రీ కొడుకు మృ*తి: పెద్దపల్లి జిల్లా రామగిరి మండలంలోని నాగేపల్లి గ్రామంలో చోటు చేసుకున్న ఓ హృదయ విదారక ఘటన స్థానికులను తీవ్ర విషాదంలోకి నెట్టింది. కేవలం 45 నిమిషాల వ్యవధిలో తండ్రీ–కొడుకు ప్రాణాలు కోల్పోవడం గ్రామంలో విషాద ఛాయలు అలుముకున్నాయి.
గ్రామానికి చెందిన ఎరుకల శ్రీకాంత్ (37)కు బుధవారం రాత్రి అకస్మాత్తుగా ఛాతీ నొప్పి రావడంతో కుటుంబ సభ్యులు అతడిని గోదావరిఖని ఏరియా ఆసుపత్రికి తరలించారు. అక్కడ చికిత్స పొందుతూ గురువారం మధ్యాహ్నం 1.45 గంటల సమయంలో శ్రీకాంత్ మృతి చెందినట్లు వైద్యులు నిర్ధారించారు.
పెద్దపల్లి తండ్రీ కొడుకు మృ*తి ఈ వార్త తెలియగానే ఇంట్లో ఉన్న కుటుంబ సభ్యులు తీవ్ర భావోద్వేగానికి లోనయ్యారు. ఇదే సమయంలో, కొంతకాలంగా పక్షవాతం కారణంగా మంచానికే పరిమితమైన శ్రీకాంత్ తండ్రి రాజేశం (56) కూడా ఈ దుఃఖాన్ని తట్టుకోలేకపోయినట్లు చెబుతున్నారు. కుమారుడి మృతి వార్త విన్న కొద్దిసేపటికే, మధ్యాహ్నం 2.30 గంటల ప్రాంతంలో రాజేశం ఇంట్లోనే తుదిశ్వాస విడిచారు.
తండ్రీ–కొడుకు ఇలా ఒకే రోజున, అంత తక్కువ సమయంలో మృతి చెందడం గ్రామస్తులను కలిచివేసింది. వారి ఇంట్లో ఒక్కసారిగా రెండు మృతదేహాలు ఉండటంతో, కుటుంబ సభ్యుల రోదనలు గ్రామమంతా విషాదాన్ని పంచాయి.
ఈ సంఘటనతో నాగేపల్లి గ్రామంలో శోకసంద్రం నెలకొంది. గ్రామస్తులు కుటుంబానికి సానుభూతి తెలియజేస్తూ, ఇది ఎప్పటికీ మర్చిపోలేని విషాద ఘటనగా పేర్కొన్నారు.
Read More: Read Today’s E-paper News in Telugu
