Telangana Vehicle Registration: తెలంగాణలో కొత్తగా కొనుగోలు చేసే వాహనాల పర్మనెంట్ రిజిస్ట్రేషన్ ప్రక్రియను పూర్తిగా ఆన్లైన్లో నిర్వహించాలని ప్రభుత్వం నిర్ణయించింది. ఈ మేరకు Telangana Transport Department కొత్త మార్గదర్శకాలు జారీ చేసింది.
ఇకపై వాహనం కొనుగోలు చేసిన తర్వాత డీలర్లు తాత్కాలిక రిజిస్ట్రేషన్ ఇచ్చిన తేదీ నుంచి 7 రోజుల్లోపు అవసరమైన అన్ని పత్రాలను ఆన్లైన్ పోర్టల్లో అప్లోడ్ చేయాలి.
Telangana Vehicle Registration డీలర్లకు కఠిన గడువు
రవాణా కమిషనర్ K Ilambarithi ఇచ్చిన ఆదేశాల ప్రకారం, ఈ కొత్త విధానం శుక్రవారం నుంచి అమల్లోకి రానుంది.
డీలర్లు నిర్ణీత గడువులో పత్రాలు అప్లోడ్ చేయకపోతే:
ట్రాన్స్పోర్ట్ పోర్టల్లో వారి లాగిన్ యాక్సెస్ నిలిపివేయబడుతుంది
వాహనాల విక్రయంపై కూడా ప్రభావం పడే అవకాశం ఉంటుంది
రిజిస్ట్రేషన్ ఆలస్యాలకు చెక్
ఇప్పటివరకు కార్లు, బైకులు వంటి వాహనాలకు షోరూమ్లలో తాత్కాలిక రిజిస్ట్రేషన్ ఇచ్చి, తర్వాత ఆర్టీఓ కార్యాలయాల్లో పర్మనెంట్ రిజిస్ట్రేషన్ పూర్తి చేసేవారు.
తర్వాత వినియోగదారుల సౌకర్యం కోసం ప్రభుత్వం షోరూమ్ల నుంచే పర్మనెంట్ రిజిస్ట్రేషన్ చేయడానికి అనుమతి ఇచ్చింది.
అయితే కొన్ని సందర్భాల్లో ఈ ప్రక్రియ 3 నుంచి 4 వారాలు ఆలస్యం అవుతుండడంతో ఈ కొత్త నిర్ణయం తీసుకున్నట్లు అధికారులు తెలిపారు.
Telangana Vehicle Registration కొత్త విధానం ఎలా ఉంటుంది?
వాహన యజమాని మరియు ఫైనాన్సియర్ సంతకం చేసిన Form-20 స్కాన్ కాపీ కొనుగోలుదారుడి ఫోటో ఇతర అవసరమైన పత్రాలు ఇవన్నీ డీలర్లు ఆన్లైన్ పోర్టల్ ద్వారా అప్లోడ్ చేయాలి.
రవాణా శాఖ అధికారులు 2 పని దినాల్లో అప్లికేషన్ను పరిశీలించి ఆమోదించటం లేదా సవరణల కోసం తిరిగి పంపటంచేస్తారు.
నకిలీ పత్రాలపై కఠిన చర్యలు
అధికారులు హెచ్చరిస్తూ, డీలర్లు నకిలీ లేదా తప్పుడు పత్రాలు సమర్పిస్తే క్రిమినల్ కేసులు నమోదు చేస్తామని తెలిపారు.
అలాగే మార్చి 13 తర్వాత పర్మనెంట్ రిజిస్ట్రేషన్ కోసం ఫిజికల్ డాక్యుమెంట్లు స్వీకరించబోమని స్పష్టం చేశారు.
వాహన రిజిస్ట్రేషన్ ప్రక్రియలో ఆలస్యాలను తగ్గించి ప్రజలకు త్వరగా సేవలు అందించేందుకు తెలంగాణ ప్రభుత్వం తీసుకున్న ఈ ఆన్లైన్ విధానం కీలక మార్పుగా భావిస్తున్నారు.
రోజూ కొత్త సమాచారం కోసం మా WhatsApp గ్రూప్ / ఛానెల్ను ఫాలో అవ్వండి.
Read More: Read Today’s E-paper News in Telugu
