తెలంగాణలో గ్రామీణ ప్రజాస్వామ్యం మరో కీలక దశకి చేరుకుంది. డిసెంబర్ 11న గ్రామపంచాయతీ తొలి విడత ఎన్నికలు జరగనుండగా, రాష్ట్రవ్యాప్తంగా ఎన్నికల నిర్వహణకు సంబంధించి అన్ని ఏర్పాట్లు పూర్తయ్యాయి. ప్రచారం మంగళవారం ముగియడంతో గ్రామాల్లో ఎన్నికల హీట్ మరింత పెరిగింది.
4,236 పంచాయతీల్లో పోలింగ్ 56 లక్షల ఓటర్లు
ఈ విడతలో మొత్తం 4,236 గ్రామపంచాయతీల్లో ఎన్నికలు జరగనున్నాయి. మొత్తం 56,19,430 మంది ఓటర్లు తమ ఓటు హక్కును వినియోగించుకోనున్నారు. ఇందులో:
- పురుషులు: 27,41,070
- మహిళలు: 28,78,159
పోలింగుకు సంబంధించి 37,562 పోలింగ్ స్టేషన్లు ఏర్పాటు చేశారు.
సర్పంచ్ & వార్డ్ మెంబర్ పోస్టులకు భారీ పోటీ
సర్పంచ్, వార్డ్ మెంబర్ స్థానాలకు భారీ సంఖ్యలో అభ్యర్థులు బరిలో ఉన్నారు. scrutiny ముగిసిన తర్వాత:
- సర్పంచ్ పోస్టులకు ఉపసంహరించిన నామినేషన్లు: 8,095
- వార్డ్ మెంబర్ పోస్టులకు ఉపసంహరించిన నామినేషన్లు: 9,626
రాష్ట్రవ్యాప్తంగా 13,127 సర్పంచ్ అభ్యర్థులు, 67,893 వార్డ్ మెంబర్ అభ్యర్థులు పోటీ పడుతున్నారు.
ఎక్కడైనా ఏకగ్రీవ ఎన్నికలు?
కొంతమంది గ్రామాల్లో అభ్యర్థులు ఏకగ్రీవంగా గెలుస్తుండటం కూడా గమనార్హం.
395 గ్రామాల్లో సర్పంచ్లు ఏకగ్రీవం
5 గ్రామాల్లో ఒక్క నామినేషన్ కూడా లేదు
9,331 వార్డ్ మెంబర్లు కూడా ఏకగ్రీవంగా ఎన్నికయ్యారు
పోలింగ్ సమయం & కౌంటింగ్
పోలింగ్ సమయం: ఉదయం 7 గంటల నుండి మధ్యాహ్నం 1 గంట వరకు
- కౌంటింగ్: అదే రోజు మధ్యాహ్నం 2 గంటలకు ప్రారంభం
- ఫలితాలు: కౌంటింగ్ పూర్తయ్యాక వెంటనే ప్రకటిస్తారు
ఎన్నికల నిర్వహణ కోసం 70,000 మంది ఎన్నికల సిబ్బంది నియమించబడడంతో, ప్రశాంతంగా, సమర్థవంతంగా పోలింగ్ జరగనున్నట్టు అధికారులు విశ్వాసం వ్యక్తం చేస్తున్నారు.
సోదరులు కూడా బరిలో..
కొన్ని గ్రామాల్లో ఒకే కుటుంబానికి చెందిన సోదరులు, అనుచరులు కూడా సర్పంచ్ లేదా వార్డ్ మెంబర్ స్థానాలకు పోటీ పడటం గ్రామాల్లో చర్చనీయాంశంగా మారింది.
Read More: Read Today’s E-paper News in Telugu
