Telangana Election Expenses: తెలంగాణ రాష్ట్ర ఎన్నికల సంఘం స్థానిక సంస్థల ఎన్నికలకు ముందు అభ్యర్థుల ఖర్చుల పరిమితులను ఖరారు చేసింది. ఎవరు ఈ పరిమితిని మించితే లేదా సమయానికి ఖర్చు లెక్కలు సమర్పించకపోతే కఠిన చర్యలు తీసుకోనుందని స్పష్టం చేసింది.
ఖర్చు పరిమితుల వివరాలు
జెడ్పీటీసీ (ZPTC) అభ్యర్థులు – ₹4,00,000
ఎంపీటీసీ (MPTC) అభ్యర్థులు – ₹1,50,000
గ్రామ పంచాయతీలు
జనాభా 5,000కి పైగా: సర్పంచ్ – ₹2,50,000; వార్డు సభ్యులు – ₹50,000
జనాభా 5,000లోపు: సర్పంచ్ – ₹1,50,000; వార్డు సభ్యులు – ₹30,000
ఖర్చు లెక్కల సమర్పణ తప్పనిసరి
ప్రతి అభ్యర్థి ఫలితాలు ప్రకటించిన 45 రోజుల్లోపు ఖర్చుల లెక్కలు సమర్పించాలి.
ఈ లెక్కలు సంబంధిత అధికారులు ZP CEO లేదా MPDOకి సమర్పించాలి.
పార్టీ అభ్యర్థి తరఫున చేసిన ఖర్చులు కూడా ఆయన ఖర్చులో కలుస్తాయి. అయితే, పార్టీ మొత్తం అభ్యర్థుల కోసం సాధారణంగా చేసిన ఖర్చులు అభ్యర్థి ఖాతాలో లెక్కించబడవు.
Telangana Election Expenses నిబంధనలు పాటించకపోతే చర్యలు
నిర్ణీత గడువులో ఖర్చు లెక్కలు సమర్పించని అభ్యర్థి మూడు సంవత్సరాల పాటు ఎన్నికల్లో పోటీ చేసే హక్కు కోల్పోతారు.
ఇప్పటికే గెలిచిన అభ్యర్థి ఈ నియమాలను ఉల్లంఘిస్తే, ఆయన ఎన్నికను రద్దు చేసి పదవి నుంచి తప్పించవచ్చు
Read More: Read Today’s E-paper News in Telugu
