TELANGANA PATRIKA (MAY 18) , సిరిసిల్లలో క్రికెట్ క్రీడాకారులకు శుభవార్త. జిల్లాలో నిర్మాణంలో ఉన్న క్రికెట్ స్టేడియాన్ని వేములవాడ ఎమ్మెల్యే ఆది శ్రీనివాస్ మరియు జిల్లా కలెక్టర్ సందీప్ కుమార్ ఝా ఆదివారం పరిశీలించారు. స్టేడియం ప్రాంగణంలో అధికారులతో చర్చించిన అనంతరం, ఇద్దరూ కొద్దిసేపు క్రికెట్ కూడా ఆడారు.
ఈ సందర్భంగా మాట్లాడిన ఆది శ్రీనివాస్ మాట్లాడుతూ, యువతకు మత్తు పదార్థాలైన గంజాయి, డ్రగ్స్ వంటి అపవాదిక పదార్థాలనుండి దూరంగా ఉండేందుకు క్రీడలు ఉత్తమ మార్గమని పేర్కొన్నారు. చదువుతోపాటు క్రీడల్లో రాణించాలన్నదే ప్రభుత్వ లక్ష్యమని, ఇందుకోసం అవసరమైన సదుపాయాలను కల్పిస్తున్నామని చెప్పారు.
క్రికెట్ స్టేడియం నిర్మాణాన్ని త్వరలోనే పూర్తి చేసి యువతకు అందుబాటులోకి తీసుకురావాలని తాము కృషి చేస్తున్నామని అన్నారు. ఈ అభివృద్ధి చర్యలతో సిరిసిల్ల ప్రాంత యువత తమ ప్రతిభను ప్రదర్శించేందుకు మరింత అవకాశం పొందుతుందని ఆయన ఆశాభావం వ్యక్తం చేశారు.
క్రీడలు శారీరక దారుఢ్యమే కాదు, మానసిక స్థైర్యాన్నీ కలిగిస్తాయని MLA పేర్కొన్నారు. జిల్లాలో యువత నేషనల్ స్థాయి క్రీడల వరకు ఎదగాలన్నది తమ ఉద్దేశమని వివరించారు.
Also Read : వేములవాడ ఎమ్మెల్యే : సిరిసిల్లలో రైతులు, వ్యాపారుల కోసం కొత్త సౌకర్యాలు..
Comments are closed.