Revanth Reddy Warns Group 2 Officers : తల్లిదండ్రులను చూసుకోకపోతే జీతం తగ్గుతుంది..రేవంత్ రెడ్డి కీలక నిర్ణయం

Revanth Reddy Warns Group 2 Officers: తెలంగాణ ముఖ్యమంత్రి రేవంత్ రెడ్డి తాజాగా నియమించబడిన గ్రూప్-II అధికారులను ఉద్దేశించి కీలక సందేశం ఇచ్చారు. తమ తల్లిదండ్రులను గౌరవించని, చూసుకోని అధికారులపై ప్రభుత్వం కఠిన చర్యలు తీసుకుంటుందని హెచ్చరించారు.

Revanth Reddy Warns Group 2 Officers తల్లిదండ్రుల పట్ల నిర్లక్ష్యం చేస్తే 10% జీతం కోత

సీఎం రేవంత్ రెడ్డి స్పష్టంగా ప్రకటించారు – “తల్లిదండ్రులను చూసుకోని అధికారులు గుర్తించబడితే, వారి జీతంలో 10 శాతం కోత విధించి, ఆ మొత్తాన్ని నేరుగా తల్లిదండ్రుల బ్యాంక్ ఖాతాల్లో జమ చేస్తాం” అని. ఈ నిర్ణయాన్ని చట్టబద్ధం చేయడానికి కొత్త చట్టం తీసుకురానున్నట్లు ఆయన తెలిపారు.
ఈ నిబంధన రూపొందించడానికి చీఫ్ సెక్రటరీ కె. రామకృష్ణ రావుకు సూచనలు ఇచ్చారు. కొత్తగా నియమితులైన అధికారులతో కలిసి ప్రత్యేక కమిటీని ఏర్పాటు చేయనున్నారు.

తల్లిదండ్రుల త్యాగం గుర్తుంచుకోండి – సీఎం సూచన

“ఈ స్థాయికి చేరుకునేందుకు మీ తల్లిదండ్రులు ఎన్నో త్యాగాలు చేశారు. వారి కష్టాలను మరవకండి” అంటూ సీఎం అధికారులను ఉద్దేశించారు.
తల్లిదండ్రుల ఆశీర్వాదం లేకుండా ఎవరికీ విజయం సాధ్యం కాదని ఆయన గుర్తు చేశారు.

టీజీపీఎస్సీ (TGPSC) పనితీరుకు ప్రశంసలు

తెలంగాణ పబ్లిక్ సర్వీస్ కమిషన్ (TGPSC) పారదర్శకంగా నియామకాలు నిర్వహించిందని సీఎం ప్రశంసించారు. త్వరలో గ్రూప్-III, గ్రూప్-IV నియామక ప్రకటనలు వెలువడనున్నాయని తెలిపారు.
మొత్తం 11,000 కొత్త ఉద్యోగాలు త్వరలో భర్తీ కానున్నాయని హామీ ఇచ్చారు.

Read More: Read Today’s E-paper News in Telugu