Permanent vehicle registration Telangana: తెలంగాణ వాహనదారులకు భారీ ఊరట లభించనుంది. ఇకపై కొత్త వాహనాల కోసం RTO కార్యాలయాలకు వెళ్లాల్సిన అవసరం లేకుండా, నేరుగా ఆటోమొబైల్ షోరూమ్లోనే శాశ్వత రిజిస్ట్రేషన్ పొందే విధానాన్ని తెలంగాణ రవాణా శాఖ అమల్లోకి తీసుకొచ్చింది.
ఈ కొత్త విధానం జనవరి 24 నుంచి అధికారికంగా అమల్లోకి రానుంది. ఇటీవల హైదరాబాద్లోని ఓ షోరూమ్లో నిర్వహించిన పైలట్ పరీక్ష విజయవంతం కావడంతో, రాష్ట్రవ్యాప్తంగా ఈ వ్యవస్థను ప్రారంభించేందుకు అధికారులు గ్రీన్ సిగ్నల్ ఇచ్చారు.
Permanent vehicle registration Telangana షోరూమ్లోనే రిజిస్ట్రేషన్ ఎలా జరుగుతుంది?
కొత్త విధానం ప్రకారం
అధికారిక డీలర్లు వాహన యజమానుల తరఫున ఆన్లైన్లో శాశ్వత రిజిస్ట్రేషన్ దరఖాస్తు సమర్పిస్తారు
బిల్, బీమా వివరాలు, చిరునామా ఆధారం, ఫోటోలు వంటి అన్ని పత్రాలు డిజిటల్గా అప్లోడ్ చేస్తారు
రవాణా శాఖ అధికారులు పత్రాల పరిశీలన అనంతరం రిజిస్ట్రేషన్ నంబర్ను ఆన్లైన్లోనే కేటాయిస్తారు
రిజిస్ట్రేషన్ సర్టిఫికేట్ (RC) ను స్పీడ్ పోస్టు ద్వారా నేరుగా వాహన యజమానికి పంపిస్తారు.
ఎవరికీ ఈ సదుపాయం వర్తిస్తుంది?
ఈ సౌకర్యం
జనవరి 24 తర్వాత కొనుగోలు చేసిన వాహనాలకు మాత్రమే వర్తిస్తుంది
టూ వీలర్లు, కార్లు వంటి నాన్-ట్రాన్స్పోర్ట్ వాహనాలకు మాత్రమే అమలులో ఉంటుంది
కమర్షియల్ వాహనాలకు (రవాణా వాహనాలు) ఇది వర్తించదు.
Permanent vehicle registration Telangana ప్రజలకు లాభాలు
ఈ నిర్ణయంతో RTO కార్యాలయాల్లో రద్దీ తగ్గుతుంది వాహన యజమానుల సమయం ఆదా అవుతుంది
రిజిస్ట్రేషన్ ప్రక్రియ మరింత వేగంగా, పారదర్శకంగా మారుతుంది. ఈ కొత్త విధానం అమలుపై ఇప్పటికే రవాణా కమిషనర్ 33 జిల్లాల అధికారులతో ఆన్లైన్ సమీక్ష సమావేశం నిర్వహించి, అమలు విధానాలపై స్పష్టమైన ఆదేశాలు ఇచ్చినట్లు అధికారులు తెలిపారు.
డిజిటల్ పాలన దిశగా తెలంగాణ ప్రభుత్వం మరో ముందడుగు వేసిందని వాహనదారులు అభిప్రాయపడుతున్నారు.
Read More: Read Today’s E-paper News in Telugu
