Hyderabad Real Estate: హైదరాబాద్ రియల్ ఎస్టేట్ మార్కెట్లో Q3-2025లో కొత్త గృహాల సరఫరా గణనీయంగా తగ్గింది. నివేదిక ప్రకారం, గత ఏడాది ఇదే కాలంలో కొత్తగా లాంచ్ అయిన యూనిట్లు దాదాపు 13,800 కాగా, ఈ సంవత్సరం మూడో త్రైమాసికంలో అది కేవలం 8,600 యూనిట్లకు మాత్రమే చేరింది. అంటే సుమారు 38 శాతం పడిపోయిన స్థితి.
అదేవిధంగా Q2-2025లో సరఫరా 11,000 యూనిట్లు ఉండగా, Q3లో అది 8,600కి తగ్గింది. ఈ తగ్గుదల త్రైమాసిక స్థాయిలో 22% తగ్గుదలగా కనిపించింది.
Hyderabad Real Estate ప్రధాన విశేషాలు
కొత్తగా లాంచ్ అయిన ప్రాజెక్టులలో ప్రీమియం మరియు లగ్జరీ విభాగాలే ఎక్కువ భాగం ఆక్రమించాయి.
మధ్యతరగతి, ఆర్థికంగా బలహీన వర్గాలకు సరిపడే గృహాలు తక్కువగా అందుబాటులోకి వచ్చాయి.
గృహాల అమ్మకాలు కూడా తగ్గాయి – Q3-2024లో 12,700 యూనిట్లు అమ్ముడవగా, Q3-2025లో 11,000 యూనిట్లకు మాత్రమే పరిమితమయ్యాయి (సుమారు 11% తగ్గుదల).
అయితే Q2-2025తో పోలిస్తే అమ్మకాలు 2% పెరగడం మార్కెట్కు కొంత ఊరటనిచ్చింది.
ప్రభావం
సరఫరా తగ్గడం వల్ల ధరలు స్థిరంగా ఉండే లేదా మరింత పెరిగే అవకాశం ఉంది.
కొనుగోలుదారులకు ఎంపికల పరిధి తగ్గిపోవచ్చు.
పెట్టుబడిదారులు ప్రీమియం మార్కెట్పైనే దృష్టి పెట్టడం సాధారణ కొనుగోలుదారులకు ఇబ్బందికరంగా మారవచ్చు.
Read More: Read Today’s E-paper News in Telugu
