Kondagattu Fire Accident: కొండగట్టు హనుమాన్ దేవాలయ ప్రాంతం శనివారం అర్ధరాత్రి భారీ అగ్నిప్రమాదంతో ఒక్కసారిగా కలకలం రేపింది. కొండగట్టు కొండల అడుగుబాగంలో ఉన్న దుకాణాల సముదాయంలో మంటలు చెలరేగి 20కి పైగా షాపులు పూర్తిగా దగ్ధమయ్యాయి.
మంటలు ఎలా చెలరేగాయో స్పష్టత ఇంకా రాలేదు. అధికారులు కారణాలను పరిశీలిస్తున్నారు. పెద్ద హనుమాన్ విగ్రహం నుంచి జగిత్యాల–కరీంనగర్ మెయిన్ రోడ్ వరకూ ఉన్న బొమ్మల దుకాణాలు, జనరల్ స్టోర్స్ , వంటి అనేక షాపులు ఒక్కసారిగా మంటల్లో చిక్కుకున్నాయి.
Kondagattu Fire Accident మంటల నియంత్రణ కోసం రాత్రంతా పోరాటం
ఫైర్ సిబ్బంది వెంటనే స్పందించి:
జగిత్యాల , ధర్మపురి , కరీంనగర్ నుండి ఫైర్ టెండర్లను రప్పించారు. మంటలు మరింత వ్యాపించకుండా రాత్రంతా శ్రమించి నియంత్రించారు.
ఫైర్ ఇంజిన్ లేకపోవడంపై భక్తుల ఆగ్రహం
కొండగట్టు రాష్ట్రవ్యాప్తంగా ప్రసిద్ధిగాంచిన హనుమాన్ దేవాలయం అయినప్పటికీ:
అక్కడ స్థిరమైన ఫైర్ ఇంజిన్ లేకపోవడం అగ్ని ప్రమాద సమయంలో ఆలస్యమైన స్పందన వీటిపై భక్తులు, స్థానికులు తీవ్ర ఆగ్రహం వ్యక్తం చేశారు.
వారు పేర్కొన్నట్లుగా, దేవాలయ ప్రాంతంలో ప్రతి రోజూ భారీగా భక్తులు వస్తుండగా, భద్రతా ఏర్పాట్లలో ఈ లోపం ఉండకూడదని అభిప్రాయపడ్డారు.
అగ్నిప్రమాదానికి గల నిజమైన కారణం, నష్టం వివరాలు త్వరలో వెల్లడించనున్నట్లు అధికారులు తెలిపారు.
Read More: Read Today’s E-paper News in Telugu
