Sangareddy wine Shops: సంగారెడ్డి జిల్లాలోని పటాన్చేరు ప్రాంతంలో మద్యం షాపుల కేటాయింపుల లాటరీలో ఒకరికి బంపర్ అదృష్టం కలిసివచ్చింది. కె. వంశీధర్రెడ్డి అనే యువకుడు తన ఇద్దరు స్నేహితులతో కలిసి 100కు పైగా దరఖాస్తులు సమర్పించగా, లాటరీ ఫలితాల్లో మొత్తం మూడు షాపులు వంశీధర్రెడ్డి పేరుతోనే దక్కాయి.
లాటరీ ఫలితాల్లో ఆశ్చర్యకరమైన మలుపు
సంగారెడ్డి కలెక్టర్ కార్యాలయంలో సోమవారం మద్యం షాపుల టెండర్ల లాటరీ డ్రా నిర్వహించబడింది. వంశీధర్రెడ్డి తన స్నేహితులు మురళితో కలిసి మొత్తం 100కు పైగా దరఖాస్తులు సమర్పించారు. అయితే అదృష్టం మొత్తం వంశీధర్రెడ్డీకే కలిసివచ్చింది.
షాప్ నంబర్లు 32, 34, 40 పటాన్చేరు పరిధిలోనే ఉండగా, ఆ ప్రాంతం జిల్లా వ్యాప్తంగా మద్యం అమ్మకాలలో అగ్రస్థానంలో నిలుస్తుందని అధికారులు తెలిపారు.
లాటరీ ఫలితాలతో స్నేహితుల ఆనందం
మూడు షాపులు వంశీధర్రెడ్డి పేరుతో రావడంతో ఆయనతో పాటు స్నేహితులు హర్షం వ్యక్తం చేశారు. “ఇది నిజంగా అదృష్టం. ఇంతటి పోటీ మధ్య ఇలాంటి ఫలితం రావడం ఊహించలేదు,” అని వారు తెలిపారు.
Sangareddy wine Shops మద్యం అమ్మకాల హాట్స్పాట్
పటాన్చేరు ప్రాంతం పరిశ్రమల కేంద్రంగా ఉన్నందున, అక్కడ మద్యం అమ్మకాలు అధికంగా ఉంటాయి. ఈ ప్రాంతంలో మద్యం షాపులు అత్యధిక ఆదాయం తెచ్చిపెడతాయని ఎక్సైజ్ విభాగం అధికారులు చెబుతున్నారు.
Read More: Read Today’s E-paper News in Telugu
