Telanganapatrika (July 03): ఆది శ్రీనివాస్ , మేడిపల్లి మండల పరిధిలో గురువారం రోజున పలు అభివృద్ధి కార్యక్రమాలకు రాష్ట్ర ప్రభుత్వ విప్ ఆది శ్రీనివాస్ శంకుస్థాపనలు చేశారు. వారు మొదటగా భీమారం మండలంలోని గోవిందారం, మన్నెగూడెం గ్రామాల్లో రూ.36 లక్షలతో నిర్మించనున్న అంగన్వాడీ కేంద్రాలకు, అలాగే ఒడ్యాడ్ గ్రామంలో గ్రామ పంచాయతీ భవనానికి శంకుస్థాపన చేశారు.
ఆది శ్రీనివాస్ ప్రజా ప్రభుత్వంలో ప్రజల పట్ల నిబద్ధత
అనంతరం వెంకట్రావుపేటలో డిపిఈపీ నిధులతో నిర్మించిన ప్రహారి గోడను ప్రారంభించారు. అలాగే మేడిపల్లి కేంద్రంలో 10 లక్షల రూపాయల విలువ గల 30 సీఎంఆర్ఎఫ్ చెక్కులను లబ్ధిదారులకు పంపిణీ చేశారు.
వారు మాట్లాడుతూ, ప్రజా ప్రభుత్వంలో ప్రజల అవసరాలను ముందుగా గుర్తించి, వాటి పరిష్కారానికి ప్రభుత్వం కట్టుబడి ఉందని స్పష్టం చేశారు.
మహిళలకు ప్రయోజనం కలిగించే పథకాలు
ఆది శ్రీనివాస్ మాట్లాడుతూ, ఉచిత బస్సు ప్రయాణం, రూ.500కు గ్యాస్ సిలిండర్, 10 లక్షల ఆరోగ్యశ్రీ, సన్నం బియ్యం పంపిణీ వంటి పథకాల అమలుతో మహిళలకు మేలు జరుగుతోందన్నారు.
నాణ్యమైన విద్యకు ప్రభుత్వం కృషి
విద్యా రంగానికి ప్రాధాన్యం ఇస్తూ, నాణ్యమైన బోధన కోసం ఉపాధ్యాయ నియామకాలను డీఎస్సీ ద్వారా చేపడుతున్నాం అన్నారు. విద్యార్థులు ఉపాధ్యాయుల మాట విని ముందుకెళ్లాలని పిలుపునిచ్చారు.
ఇళ్ల కల సాకారం అవుతోంది
ఇందిరమ్మ ఇల్లు పథకం ద్వారా పేదల స్వంత ఇంటి కల నెరవేరుతోందని పేర్కొన్నారు. మొదటి విడుతలో ఇల్లు రాని వారికి, తదుపరి విడతల్లో ఇళ్లు మంజూరవుతాయని భరోసా ఇచ్చారు.
దేవాలయ సందర్శనతో ముగింపు
చివరగా మేడిపల్లి వేణుగోపాల స్వామిని దర్శించి ప్రత్యేక పూజలు చేశారు. అలాగే ఇటీవల మంజూరు అయిన 45 లక్షల రూపాయల ప్రొసీడింగ్ కాపీలు అందజేశారు.
Read More: Read Today’s E-paper News in Telugu
