Telangana patrika (June 15): Telangana Rythu Bharosa 2025 పథకాన్ని ఆధారంగా తీసుకుని ఏరువాక సందర్భంగా ఖమ్మం జిల్లా కూసుమంచిలో రైతన్నలతో కలిసి మంత్రిగారు పాల్గొన్న సందర్భంగా చేసిన వ్యాఖ్యలు ప్రజల గుండెల్లో నమ్మకాన్ని నాటాయి.
Telangana Rythu Bharosa 2025
రైతన్నలు ఏర్పాటు చేసిన ఏరువాక కార్యక్రమంలో మంత్రి గారు అరక పట్టి, దుక్కిదున్ని, విత్తనాలు నాటి ఆప్యాయంగా వ్యవహరించారు. “ఇందిరమ్మ రాజ్యంలో రైతు రాజు. నేడు ఆ రైతన్నకే మళ్లీ గౌరవం రావాలి,” అంటూ రైతులకు ధైర్యం చెప్పారు. రాష్ట్ర ఆర్థిక పరిస్థితి బలహీనంగా ఉన్నా కూడా 18 నెలల్లో రూ.21,000 కోట్ల రుణమాఫీ చేశారు. ఇది గత ప్రభుత్వ 10 ఏళ్ల కంటే ఎక్కువ.
విత్తనాలు, ఎరువుల పంపిణీపై స్పష్టమైన ప్రణాళికలు సిద్ధమయ్యాయని, ప్రతి ఎకరానికి రూ.12 వేల పెట్టుబడి మంజూరు చేస్తామని ప్రకటించారు. ఇప్పటికే రెండు విడతల్లో రైతు భరోసా అందించామనీ, రేపటి నుంచే మూడవ విడత నిధులు విడుదల కానున్నాయని తెలిపారు.
సాగునీటి ప్రాజెక్టుల పనులు గత ప్రభుత్వం అర్ధాంతరంగా వదిలేసినా, నేడు అవి పూర్తవుతున్నాయని తెలిపారు. కాళేశ్వరం కూలినా కూడా అత్యధిక ధాన్యం ఉత్పత్తి చేసిన రాష్ట్రంగా మనదే మొట్టమొదటి స్థానమని చెప్పారు.
“రైతు చెమట ప్రతి చుక్క కూడా పంటగా మారేలా చూడటం మా కర్తవ్యంగా భావిస్తున్నాం,” అని ముగించారు.
ఇంకా ఇలాంటి విశ్లేషణాత్మక వార్తల కోసం www.telanganapatrika.in ను రోజు సందర్శించండి!
Comments are closed.