Telangana Patrika(jun 7) , Govt Schools , నిర్మల్ జిల్లాలో పాత, శిథిలావస్థలో ఉన్న ప్రభుత్వ పాఠశాల భవనాల కూల్చివేతకు సంబంధించి జిల్లా యంత్రాంగం తక్షణ చర్యలు ప్రారంభించింది. ఇటీవల కుభీర్ మండలంలోని అంతర్ని గ్రామంలో ఒక పాఠశాల భవనం కూలిన దుర్ఘటన నేపథ్యంలో ఈ నిర్ణయం తీసుకున్నట్టు జిల్లా కలెక్టర్ అభిలాష అభినవ్ తెలిపారు.
ఈ ఘటనలో ఇద్దరు విద్యార్థులు స్వల్ప గాయాలతో బయటపడ్డారు. వారికి వైద్యసాయం అందించబడి ప్రస్తుతానికి వారు క్షేమంగా ఉన్నారు.
Govt Schools శిథిల భవనాలపై అధికారుల దృష్టి
కలెక్టర్ అభినవ్ మాట్లాడుతూ –
“పాత భవనాలను ముందుగానే గుర్తించి, రోడ్లు మరియు భవనాల శాఖ అనుమతులతో వెంటనే కూల్చివేయాలని నిర్ణయించాం. వర్షాల కారణంగా కొన్ని చోట్ల ఆలస్యం అయినా, ఇకపై అలాంటి ఘటనలు పునరావృతం కాకుండా చర్యలు తీసుకుంటాం.”
భద్రతాయుత విద్యా వాతావరణం లక్ష్యం
విద్యార్థులకు సురక్షిత వాతావరణం కల్పించేందుకు జిల్లా యంత్రాంగం కృషి చేస్తోందని కలెక్టర్ పేర్కొన్నారు. భవిష్యత్తులో విద్యార్థుల పాఠశాల జీవితం ప్రమాదరహితంగా ఉండేందుకు అన్ని అవకాశాలను పరిగణనలోకి తీసుకుంటామన్నారు.
Read More: Read Today’s E-paper News in Telugu
