EPFO WhatsApp Services: ఉద్యోగులకు ప్రావిడెంట్ ఫండ్ (PF) వివరాలు తెలుసుకోవడం మరింత సులభమైంది. ఇప్పుడు EPFO వెబ్‌సైట్ లేదా యాప్ ఓపెన్ చేయకుండానే వాట్సాప్‌లో PF బ్యాలెన్స్ చెక్ చేసుకోవచ్చు. అంతేకాదు.. గత ఐదు లావాదేవీల వివరాలు చూడటంతో పాటు PF పాస్‌బుక్‌ను కూడా డౌన్‌లోడ్ చేసుకోవచ్చు.
EPFO WhatsApp Services నవంబర్ 1న EPFO వ్యవస్థాపక దినోత్సవం సందర్భంగా కేంద్ర కార్మిక, ఉపాధి శాఖ మంత్రి మన్‌సుఖ్ మాండవీయ ఈ సేవలను ప్రారంభించారు.
EPFO అధికారిక వాట్సాప్ నంబర్ ఇదే
PF వివరాలు తెలుసుకోవడానికి EPFO ప్రత్యేక వాట్సాప్ నంబర్‌ను అందుబాటులోకి తీసుకొచ్చింది.
+91 8796441800 ఈ నంబర్‌కు వాట్సాప్‌లో ‘Hi’ అని మెసేజ్ పంపి సేవలను ఉపయోగించుకోవచ్చు. EPFO విడుదల చేసిన QR కోడ్‌ను స్కాన్ చేసి కూడా చాట్ ప్రారంభించవచ్చు.
ఈ సేవ ఇంగ్లిష్‌తో పాటు తెలుగు, హిందీ, తమిళం, మరాఠీ, బెంగాలీ, గుజరాతీ, ఉర్దూ వంటి భాషల్లో అందుబాటులో ఉంది.
EPFO WhatsApp Services వాట్సాప్‌లో PF బ్యాలెన్స్ ఎలా చెక్ చేయాలి?
ఈ కింది దశలను అనుసరించి మీ PF బ్యాలెన్స్ తెలుసుకోవచ్చు.
- ముందుగా +91 8796441800 నంబర్‌ను మీ ఫోన్‌లో సేవ్ చేసుకోండి.
- వాట్సాప్ ఓపెన్ చేసి ఆ నంబర్‌కు మెసేజ్ పంపండి.
- ‘Hi’ అని టైప్ చేసి పంపించండి.
- స్వాగత సందేశం వచ్చిన తర్వాత మీకు కావాల్సిన భాషను ఎంచుకోండి.
- అందుబాటులో ఉన్న ఆప్షన్లలో ‘Check Balance’ ఎంచుకోండి.
- మీ UANకు లింక్ అయిన మొబైల్ నంబర్‌కు వచ్చిన OTP నమోదు చేయండి.
- ఒకటి కంటే ఎక్కువ PF అకౌంట్లు ఉంటే సరైన Member ID ఎంచుకోండి.
- మీ PF బ్యాలెన్స్ వివరాలు వాట్సాప్‌లో కనిపిస్తాయి.
వాట్సాప్‌లో PF పాస్‌బుక్ డౌన్‌లోడ్ చేయడం ఎలా?
మీ PF అకౌంట్ పాస్‌బుక్‌ను కూడా వాట్సాప్ ద్వారానే డౌన్‌లోడ్ చేసుకోవచ్చు.
- EPFO అధికారిక వాట్సాప్ నంబర్‌కు వెళ్లండి.
- ‘Hi’ అని మెసేజ్ పంపండి.
- మీకు నచ్చిన భాషను ఎంచుకోండి.
- ‘Download Passbook’ ఆప్షన్‌పై క్లిక్ చేయండి.
- అవసరమైతే OTP నమోదు చేసి వెరిఫికేషన్ పూర్తి చేయండి.
- ఒకటి కంటే ఎక్కువ అకౌంట్లు ఉంటే సరైన Member ID ఎంచుకోండి.
- మీ PF పాస్‌బుక్ PDF ఫైల్‌ను డౌన్‌లోడ్ చేసుకోండి.
PFలో చివరి ఐదు లావాదేవీలు ఎలా చూడాలి?
మీ PF ఖాతాలో ఇటీవల జరిగిన లావాదేవీల వివరాలు కూడా తెలుసుకోవచ్చు.
వాట్సాప్ చాట్‌లో ‘Last 5 Transactions’ ఆప్షన్ ఎంచుకోండి. OTP వెరిఫికేషన్ పూర్తయిన తర్వాత మీ PF అకౌంట్‌కు సంబంధించిన చివరి ఐదు లావాదేవీలు కనిపిస్తాయి.
ఒకటి కంటే ఎక్కువ PF అకౌంట్లు ఉన్నవారు సరైన Member ID ఎంచుకోవాలి.
PF వివరాలు తెలుసుకునేటప్పుడు ఈ జాగ్రత్తలు తప్పనిసరి
- EPFO అధికారిక వాట్సాప్ నంబర్‌ను మాత్రమే ఉపయోగించండి.
- మీ UANకు మొబైల్ నంబర్ లింక్ అయి ఉండాలి.
- OTPను ఇతరులకు చెప్పకండి.
- UAN పాస్‌వర్డ్, వ్యక్తిగత వివరాలను ఎవరికీ పంపకండి.
- EPFO పేరుతో వచ్చే అనుమానాస్పద లింకులను ఓపెన్ చేయకండి.
ఈ వాట్సాప్ సేవలతో ఉద్యోగులు తమ PF బ్యాలెన్స్, లావాదేవీలు, పాస్‌బుక్ వివరాలను సులభంగా తెలుసుకోవచ్చు.
Read More: Read Today’s E-paper News in Telugu
