Electrified Comb for Baldness: బట్టతల (Androgenetic Alopecia) ఇక శాశ్వత సమస్య కాకపోవచ్చు! ఎందుకంటే, కేవలం ఒక దువ్వెనతో తల దువ్వడం ద్వారా తిరిగి జుట్టు పెరిగే అద్భుతాన్ని చైనాలోని బీహ్యాంగ్ యూనివర్సిటీ (Beihang University) ఇంజినీర్లు కనుగొన్నారు. చర్మంపై రాలిపోయిన వెంట్రుకలు సైతం తిరిగి మొలిపించగలిగేలా ‘డిటాంగిల్’ (Detangle) పేరుతో ఒక ప్రత్యేకమైన విద్యుదీకృత (Electrified) దువ్వెనను వారు రూపొందించారు.
కేవలం నెల రోజుల్లోనే ఇది ఊడిపోయిన వెంట్రుకల స్థానంలో దాదాపు పూర్తి స్థాయిలో తిరిగి జుట్టును మొలిపించినట్లు పరిశోధకులు గుర్తించారు.
ఈ ఎలక్ట్రిక్ దువ్వెన ఎలా పనిచేస్తుంది?
సాధారణంగా స్కిన్‌పై అప్లై చేసే మందులు వెంట్రుకల కుదుళ్ల లోపలికి సరిగ్గా చేరవు. కానీ ఈ ‘డిటాంగిల్’ దువ్వెన పళ్లలో వేర్వేరు ఎత్తుల్లో అమర్చిన చిన్న ఎలక్ట్రోడ్లతో పాటు ఔషధాల క్యాప్సూల్స్ ఉంటాయి. తల దువ్వుతున్న సమయంలో దీని ద్వారా పుట్టే స్వల్ప విద్యుత్ క్షేత్రం (Low electric field), సాధారణంగా చర్మంపై అప్లయ్ చేయగలిగే ఎలక్ట్రోడ్ల కంటే తొమ్మిది రెట్లు డీప్‌గా జుట్టు కుదుళ్లలోకి చొచ్చుకెళ్తుందని నిపుణులు చెబుతున్నారు.
ఔషధాల కలబోత.. కుదుళ్లకు పోషణ
ఈ సరికొత్త కోంబ్ ఇచ్చే తక్కువస్థాయి మైక్రో విద్యుత్ తరంగాలు వెంట్రుకల కుదుళ్లను ప్రేరేపించి, కణాల చివరి భాగాలను స్వల్పంగా ఓపెన్ చేస్తాయి. ఇదే సమయంలో దువ్వెన రెండు రకాల చికిత్సలను కణాల్లోకి నేరుగా పంపుతుంది.
- VEGF-A గ్రోత్ ఫ్యాక్టర్: రక్తం ప్రసరించేలా కొత్త రక్తనాళాలను తయారుచేసే జన్యువు.
- DHT హోర్మోన్ బ్లాకర్: వెంట్రుకలు రాలిపోవడానికి కారణమయ్యే డీహెచ్‌టీ (DHT) హార్మోన్‌ను అడ్డుకునే అణువు.
ప్రయోగ ఫలితాలు: 100% జుట్టు పెరుగుదల
పరిశోధకులు ఎలుకలపై నెల రోజుల పాటు ప్రతి మూడు రోజులకు ఒకసారి ఈ దువ్వెనతో తల దువ్వగా, వెంట్రుకలు ఊడిపోయిన ప్రాంతాల్లో దాదాపు 100 శాతం మళ్లీ జుట్టు పెరగడాన్ని గమనించారు. ఇది అందుబాటులోకి వస్తే రోజూ సాధారణంగా తల దువ్వుకునే చిన్న అలవాటుతోనే బట్టతల సమస్యను శాశ్వతంగా పరిష్కరించే చికిత్సను అందించవచ్చని పరిశోధకులు చెబుతున్నారు.
ఇతర చికిత్సల కంటే ఇది ఎందుకు బెటర్?
- సైడ్ ఎఫెక్ట్స్ లేవు: ఆండ్రోజెనెటిక్ అలోపేసియా (బట్టతల) కోసం ప్రస్తుతం వాడుతున్న టాబ్లెట్లు శరీరం మొత్తం మీద ప్రభావం చూపి, ఇతర సైడ్ ఎఫెక్ట్స్‌కు దారితీసే అవకాశం ఉంది.
- లోతుగా చేరడం: చర్మంపై రాసే మినోక్సిడెల్ వంటి క్రీములు కుదుళ్ల లోపలి వరకు సరిగ్గా వెళ్లవు. కానీ ఈ డిటాంగిల్ ఎలక్ట్రిఫైడ్ దువ్వెన మాత్రం నేరుగా జుట్టు కుదుళ్ల వద్దకే ఔషధాన్ని చేరవేస్తుంది.
గమనిక: ప్రస్తుతం ఇది కేవలం ప్రయోగదశలోనే ఉంది. పరిశోధకులు కేవలం ఎలుకలపై మాత్రమే ప్రయోగం చేశారు. మనుషులపై పరీక్షలు జరిగి, మార్కెట్లోకి రావడానికి ఇంకా సమయం పడుతుంది.
FAQ
1. ఈ ఎలక్ట్రిక్ దువ్వెన ఎలా పనిచేస్తుంది?
ఇది స్వల్ప విద్యుత్ క్షేత్రాన్ని ఉత్పత్తి చేసి, జుట్టు కుదుళ్ల లోపలికి 9 రెట్లు లోతుగా చొచ్చుకెళ్లి, VEGF-A మరియు DHT బ్లాకర్ వంటి ఔషధాలను నేరుగా చేరవేస్తుంది.
2. ఇది ఎంతకాలంలో ఫలితం ఇస్తుంది?
పరిశోధనలో నెల రోజుల పాటు ప్రతి మూడు రోజులకు ఒకసారి ఉపయోగించగా, దాదాపు 100% జుట్టు తిరిగి పెరిగినట్లు గమనించారు.
3. ఇది మనుషులపై అందుబాటులో ఉందా?
లేదు, ఇది ఇంకా ప్రయోగదశలోనే ఉంది. ప్రస్తుతం ఎలుకలపై మాత్రమే పరీక్షలు జరిగాయి.
4. దీని వల్ల ఎలాంటి సైడ్ ఎఫెక్ట్స్ ఉంటాయి?
పరిశోధకుల ప్రకారం, ఇది సైడ్ ఎఫెక్ట్స్ లేని చికిత్స. ఇతర బట్టతల మందుల వల్ల కలిగే శరీర వ్యాప్త దుష్ప్రభావాలు ఇందులో ఉండవు.
5. ఈ దువ్వెనను ఎవరు కనుగొన్నారు?
చైనాలోని బీహ్యాంగ్ యూనివర్సిటీకి చెందిన ఇంజినీర్లు ఈ ‘డిటాంగిల్’ ఎలక్ట్రిఫైడ్ దువ్వెనను రూపొందించారు.
గమనిక: ఈ ఆర్టికల్ లోని సమాచారం ప్రాథమిక పరిశోధనల ఆధారంగా రూపొందించబడింది. ఇది ఇంకా మనుషులపై పరీక్షించబడలేదు. ఏదైనా చికిత్సను అనుసరించే ముందు వైద్య నిపుణులను సంప్రదించండి.
