UPI Charges: UPI ఉపయోగించే వారికి కీలక అప్డేట్ వచ్చింది. రూ.2,000 కంటే ఎక్కువ విలువైన కొన్ని Merchant Paymentsపై కొత్త MDR ఛార్జీ అమల్లోకి రానుంది. అయితే ఈ ఛార్జీని సాధారణ వినియోగదారులు చెల్లించాల్సిన అవసరం లేదు.
కొత్త నిబంధనలు అక్టోబర్ 15 నుంచి అమల్లోకి రానున్నాయి.
రూ.2,000 దాటితే ఎంత ఛార్జీ?
కొత్త UPI Merchant Discount Rate (MDR) విధానం ప్రకారం.. రూ.2,000 కంటే ఎక్కువ మొత్తాన్ని వ్యాపారులకు UPI ద్వారా చెల్లించినప్పుడు 0.4 శాతం ఛార్జీ వర్తిస్తుంది.
ఈ ఛార్జీ ఒక్కో లావాదేవీకి గరిష్ఠంగా రూ.300 వరకు ఉంటుంది.
అయితే ముఖ్యమైన విషయం ఏమిటంటే.. ఈ ఛార్జీని Merchant, అంటే డబ్బు స్వీకరించే వ్యాపారి చెల్లించాలి. వినియోగదారుడి నుంచి అదనంగా వసూలు చేయకూడదని బ్యాంకులకు సూచనలు ఇచ్చారు.
UPI Charges ఉదాహరణకు..
మీరు ఒక షాపులో రూ.2,001 విలువైన వస్తువును UPI ద్వారా కొనుగోలు చేస్తే, 0.4 శాతం ప్రకారం సుమారు రూ.8 MDR వస్తుంది.
కానీ ఈ రూ.8ను మీరు అదనంగా చెల్లించాల్సిన అవసరం లేదు. ఇది Merchant Paymentపై వర్తించే ఛార్జీ.
స్నేహితుడికి UPI ద్వారా డబ్బు పంపితే?
ఇక్కడ మరో ముఖ్యమైన విషయం ఉంది.
మీరు స్నేహితుడికి లేదా కుటుంబ సభ్యుడికి UPI ద్వారా డబ్బు పంపితే అది Person-to-Person (P2P) transaction అవుతుంది.
రూ.2,000 కంటే ఎక్కువ మొత్తమైనా P2P లావాదేవీలపై MDR ఉండదు. అంటే వ్యక్తి నుంచి వ్యక్తికి చేసే UPI చెల్లింపులు ఉచితంగానే కొనసాగుతాయి.
రూ.2,000 వరకు UPI చెల్లింపులు ఫ్రీ
రూ.2,000 వరకు Person-to-Person, Person-to-Merchant UPI లావాదేవీలకు MDR వర్తించదు.
అంటే చిన్న మొత్తాల చెల్లింపులు ఇప్పటిలాగే కొనసాగుతాయి. తక్కువ విలువ కలిగిన UPI లావాదేవీలలో ఎక్కువ భాగం ఉచితంగానే ఉంటాయని NPCI తెలిపింది.
రైల్వే, ఫ్యూయల్ వంటి వాటికి రూ.5 ఛార్జీ
కొన్ని ప్రత్యేక Merchant Categoriesకు మాత్రం 0.4 శాతం కాకుండా ఫ్లాట్ రూ.5 ఛార్జీ విధించే విధానం ఉంటుంది.
వీటిలో:
- రైల్వే సేవలు
- టెలికాం సేవలు
- ఇన్సూరెన్స్
- ఫ్యూయల్
వంటి విభాగాలు ఉన్నాయి.
రూ.2,000 కంటే ఎక్కువ UPI చెల్లింపులకు ఈ కేటగిరీల్లో రూ.5 ఫ్లాట్ ఛార్జీ వర్తిస్తుంది.
UPI ద్వారా డబ్బు పంపడం మాత్రం ఫ్రీ
కొత్త రూల్స్తో UPIపై ఛార్జీలు పెడుతున్నారనే వార్తలతో చాలామందిలో ఆందోళన ఏర్పడింది. కానీ సాధారణ వినియోగదారులకు మాత్రం UPI చెల్లింపులు ఉచితంగానే ఉంటాయని ప్రభుత్వం స్పష్టం చేసింది.
అంటే:
- వ్యక్తి → వ్యక్తి: ఫ్రీ
- Merchantకు రూ.2,000 వరకు: ఫ్రీ
- Merchantకు రూ.2,000 పైన: MDR Merchantపై
- వినియోగదారుడిపై నేరుగా MDR: లేదు
ఇది పన్ను కాదు
MDRను ప్రభుత్వం పన్నుగా వసూలు చేయదు. ఈ ఛార్జీ ద్వారా వచ్చిన మొత్తం బ్యాంకులు, UPI యాప్స్, పేమెంట్ ఎకోసిస్టమ్లోని ఇతర సంస్థల మధ్య పంచబడుతుంది.
డిజిటల్ పేమెంట్స్ కోసం అవసరమైన మౌలిక సదుపాయాలు, సైబర్ సెక్యూరిటీ, సిస్టమ్ నిర్వహణ, కొత్త టెక్నాలజీ వంటి వాటికి ఈ మొత్తాన్ని ఉపయోగించనున్నారు.
చిన్న వ్యాపారులకు కూడా ఊరట
చిన్న వ్యాపారులపై అదనపు భారం పడకుండా రూ.2,000 వరకు లావాదేవీలను MDR నుంచి మినహాయించారు.
అదేవిధంగా చిన్న వ్యాపారాలు, Tier-3 మరియు అంతకంటే చిన్న ప్రాంతాల్లో డిజిటల్ పేమెంట్ మౌలిక సదుపాయాలను పెంచేందుకు ప్రత్యేక నిధిని ఏర్పాటు చేయనున్నట్లు చెల్లింపుల సంస్థ తెలిపింది.
UPI Charges చివరగా..
అక్టోబర్ 15 నుంచి UPI Merchant Payments విషయంలో కొత్త MDR విధానం అమల్లోకి రానుంది. రూ.2,000 దాటిన కొన్ని Merchant Transactionsపై 0.4% ఛార్జీ ఉన్నప్పటికీ, ఆ మొత్తాన్ని సాధారణ వినియోగదారులు చెల్లించాల్సిన అవసరం లేదు. వ్యక్తిగతంగా ఒకరి నుంచి మరొకరికి చేసే UPI లావాదేవీలు కూడా ఉచితంగానే కొనసాగుతాయి.
Read More: Read Today’s E-paper News in Telugu
