Pan Masala Packaging Ban: పాన్ మసాలా ప్యాకేజింగ్‌పై కేంద్ర ప్రభుత్వం కీలక మార్పులు తీసుకొచ్చింది. ఇకపై పాన్ మసాలాను ప్యాక్ చేసేందుకు ప్లాస్టిక్ ఆధారిత మెటీరియల్స్‌ను ఉపయోగించకూడదు. దీనికి సంబంధించి ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) కొత్త నిబంధనలు తీసుకొచ్చింది.
కొత్త నిబంధనలను Food Safety and Standards (Packaging) Amendment Regulations, 2026 పేరుతో ఆగస్టు 10న గెజిట్‌లో ప్రచురించారు.
Pan Masala Packaging Ban ఇక ప్లాస్టిక్ ప్యాకింగ్ ఉండదు
కొత్త రూల్స్ ప్రకారం పాన్ మసాలా ప్యాకేజింగ్ కోసం ప్లాస్టిక్ లేని పేపర్, పేపర్‌బోర్డ్, సెల్యులోజ్ లేదా సహజ పదార్థాలతో తయారైన మెటీరియల్స్ ఉపయోగించవచ్చు.
అయితే వీటిలో ఎలాంటి ప్లాస్టిక్ లేదా సింథటిక్ పాలిమర్లు ఉండకూడదు.
పాలిథిలిన్, పాలీప్రొఫైలిన్, పాలిస్టర్, PVC వంటి సింథటిక్ పదార్థాలను కూడా ఉపయోగించకూడదని FSSAI స్పష్టం చేసింది.
అల్యూమినియం ఫాయిల్ కూడా నిషేధం
పేపర్ ఆధారిత ప్యాకేజింగ్‌లో లోపల అల్యూమినియం ఫాయిల్ లేదా మెటలైజ్డ్ లేయర్లు ఉండకూడదు.
అంటే బయటికి పేపర్ ప్యాకెట్‌లా కనిపించినా, లోపల ప్లాస్టిక్ లేదా మెటలైజ్డ్ లేయర్ ఉంటే అది కొత్త నిబంధనలకు అనుగుణంగా ఉండదు.
టిన్, గ్లాస్ ప్యాకింగ్‌కు అనుమతి
పాన్ మసాలా తయారీదారులు టిన్ లేదా గ్లాస్ కంటైనర్లను కూడా ఉపయోగించవచ్చని FSSAI తెలిపింది.
ఈ మెటీరియల్స్‌ను అనుమతించిన ప్యాకేజింగ్ ఆప్షన్లలో ప్రత్యేకంగా చేర్చారు.
వెంటనే అమల్లోకి కొత్త రూల్స్
ఈ నిబంధనలు ఆగస్టు 10న గెజిట్‌లో ప్రచురించిన తేదీ నుంచే అమల్లోకి వచ్చాయి.
అంతకుముందు ఏప్రిల్ 28న FSSAI ఈ మార్పులకు సంబంధించిన డ్రాఫ్ట్‌ను విడుదల చేసి ప్రజల నుంచి అభ్యంతరాలు, సూచనలు కోరింది. 60 రోజుల పాటు అభిప్రాయాలను స్వీకరించిన తర్వాత తుది నిబంధనలను ప్రకటించింది.
Pan Masala Packaging Ban పాన్ మసాలాపై బ్యాన్ కాదు
ఇక్కడ ముఖ్యంగా గుర్తుంచుకోవాల్సిన విషయం ఏమిటంటే.. FSSAI పాన్ మసాలా ఉత్పత్తిని నిషేధించలేదు.
కేవలం పాన్ మసాలా ప్యాకేజింగ్‌లో ఉపయోగించే మెటీరియల్స్‌పై కొత్త నిబంధనలు తీసుకొచ్చింది. ఇక తయారీదారులు ప్లాస్టిక్ ఆధారిత ప్యాకేజింగ్‌కు బదులుగా అనుమతించిన ప్రత్యామ్నాయాలను ఉపయోగించాల్సి ఉంటుంది.
Read More: Read Today’s E-paper News in Telugu
