Telangana Family Register Certificate: తెలంగాణ ప్రభుత్వం ప్రజలకు మరో కొత్త సేవను అందుబాటులోకి తీసుకొచ్చింది. MeeSeva ద్వారా Telangana Family Register Certificate జారీ చేసే సేవను ప్రారంభించింది. కుటుంబ వివరాలను ఒకే ధ్రువీకరణ పత్రంగా అందించేందుకు ఈ కొత్త వ్యవస్థను తీసుకొచ్చింది.
ప్రభుత్వ ఉత్తర్వుల ప్రకారం, ఈ సేవ రెవెన్యూ శాఖ పరిధిలో అందుబాటులో ఉంటుంది.
Family Register Certificate ఎందుకు?
ప్రభుత్వ సేవలు పొందేందుకు చాలా మంది కుటుంబ వివరాలను నిరూపించే అధికారిక పత్రం లేక ఇబ్బందులు ఎదుర్కొంటున్నారు.
ఈ సమస్యకు పరిష్కారంగా ప్రభుత్వం తెలంగాణ ఫ్యామిలీ రిజిస్టర్ అనే డిజిటల్ రికార్డును రూపొందించింది.
Family Registerలో ఏ వివరాలు ఉంటాయి?
ఈ రిజిస్టర్లో కింది వివరాలు నమోదు చేస్తారు.
- కుటుంబ రిజిస్టర్ ఐడీ నంబర్ (రేషన్ కార్డు నంబరే)
- కుటుంబ పెద్ద పేరు
- కుటుంబ సభ్యుల పేర్లు
- కుటుంబ పెద్దతో బంధుత్వం
- వయస్సు, పుట్టిన తేదీ
- లింగం
- ఆధార్ నంబర్
- ప్రస్తుత చిరునామా
Telangana Family Register Certificate ఎలా దరఖాస్తు చేయాలి?
అర్హులైన కుటుంబ సభ్యులు ఈ మూడు మార్గాల్లో దరఖాస్తు చేసుకోవచ్చు.
- సమీప MeeSeva కేంద్రం
- MeeSeva ఆన్లైన్ పోర్టల్
- MeeSeva మొబైల్ యాప్
దరఖాస్తు ఫీజు ఎంత?
ఈ సేవ కోసం రూ.62 యూజర్ ఛార్జీ చెల్లించాలి.
ఎవరు దరఖాస్తు చేయవచ్చు?
- కుటుంబంలో 18 సంవత్సరాలు నిండిన సభ్యుడు మాత్రమే దరఖాస్తు చేయాలి.
- ఆ వ్యక్తి పేరు ఫ్యామిలీ రిజిస్టర్లో తప్పనిసరిగా ఉండాలి. సర్టిఫికేట్ ఎన్ని రోజుల్లో వస్తుంది?
ప్రభుత్వం తెలిపిన వివరాల ప్రకారం,
దరఖాస్తు చేసిన తేదీ నుంచి రెండు పని దినాల్లో Family Register Certificate జారీ చేయబడుతుంది.
Telangana Family Register Certificate ముఖ్యమైన విషయం
ప్రభుత్వం స్పష్టం చేసిన ప్రకారం ఈ Family Register Certificate
- ఆస్తిపై హక్కును నిర్ధారించదు.
- చట్టబద్ధ వారసత్వాన్ని నిరూపించే పత్రం కాదు.
- ప్రభుత్వ పథకాలపై ఆటోమేటిక్ అర్హత కల్పించదు.
ఇది కేవలం కుటుంబ వివరాలను ధ్రువీకరించే అధికారిక రికార్డు మాత్రమే.
పేద కుటుంబాలకు ఉపయోగకరం
కుటుంబ వివరాలను నిరూపించే పత్రాలు లేని వారికి ఈ సర్టిఫికేట్ ఉపయోగపడే అవకాశం ఉంది. ముఖ్యంగా వివిధ ప్రభుత్వ సేవలు, ధ్రువీకరణ ప్రక్రియల్లో కుటుంబ సమాచారం సమర్పించాల్సిన సందర్భాల్లో ఇది సహాయకరంగా ఉంటుంది.
Read More: Read Today’s E-paper News in Telugu
