Swiggy Instamart LPG: వంట గ్యాస్ కోసం రోజులు వేచి చూడాల్సిన అవసరం లేకుండా Swiggy Instamart కొత్త సేవను తీసుకొచ్చింది. HPCL (హిందుస్థాన్ పెట్రోలియం కార్పొరేషన్ లిమిటెడ్)తో కలిసి కేవలం 10 నిమిషాల్లో LPG సిలిండర్ డెలివరీ చేసే సేవను ప్రారంభించింది.
ప్రస్తుతం ఈ సేవ తొలి దశలో బెంగళూరులో అందుబాటులోకి వచ్చింది. త్వరలో ఇతర నగరాలకు కూడా విస్తరించే అవకాశం ఉంది.
Swiggy Instamart LPG గ్యాస్ కనెక్షన్ లేకున్నా ఆర్డర్ చేయొచ్చు
ఈ సేవలో మరో ప్రత్యేకత ఏమిటంటే.. **ఇప్పటికే LPG కనెక్షన్ ఉండాల్సిన అవసరం లేదు.Swiggy Instamart యాప్లో సిలిండర్ను నేరుగా ఆర్డర్ చేయవచ్చు.
ఏ సిలిండర్లు అందుబాటులో ఉన్నాయి?
ప్రస్తుతం రెండు రకాల సిలిండర్లు అందుబాటులో ఉన్నాయి.
- HP Navya 10 కేజీల కంపోజిట్ LPG సిలిండర్
- 5 కేజీల మెటల్ LPG సిలిండర్
HP Navya సిలిండర్ ప్రత్యేకత ఏమిటంటే.. దీని బాడీ పారదర్శకంగా ఉండటంతో లోపల ఎంత గ్యాస్ మిగిలి ఉందో సులభంగా చూడవచ్చు.
డెలివరీ ఎవరు చేస్తారు?
భద్రత దృష్ట్యా LPG సిలిండర్లను Swiggy డెలివరీ భాగస్వాములు తీసుకురారు. దానికి బదులుగా HPCL అధీకృత డిస్ట్రిబ్యూటర్లు మాత్రమే సిలిండర్ను ఇంటికి తీసుకొచ్చి అందజేస్తారు.
మొదటి ఆర్డర్కు KYC తప్పనిసరి
మొదటిసారి సిలిండర్ ఆర్డర్ చేసే వారు..
- గుర్తింపు పత్రం (ID Proof)
- అవసరమైన ధృవీకరణ
సమర్పించాల్సి ఉంటుంది.
ఆ తర్వాతి ఆర్డర్లలో పాత సిలిండర్ ఇచ్చి కొత్త సిలిండర్ తీసుకునే ఎక్స్చేంజ్ విధానం అమలులో ఉంటుంది.
భారత్లో తొలిసారి
Swiggy ప్రకారం, క్విక్ కామర్స్ ప్లాట్ఫారమ్ ద్వారా LPG సిలిండర్ను నిమిషాల్లో డెలివరీ చేసే సేవను ప్రారంభించిన తొలి సంస్థ ఇదే.
ఇప్పటి వరకు కిరాణా, పండ్లు, కూరగాయలు, మందులు వంటి వస్తువులు మాత్రమే డెలివరీ చేసిన Instamart.. ఇప్పుడు వంట గ్యాస్ సేవలను కూడా అందిస్తోంది.
Swiggy Instamart LPG
Swiggy Instamart, HPCL భాగస్వామ్యంతో ప్రారంభమైన ఈ సేవ వినియోగదారులకు మరింత సౌకర్యాన్ని అందించనుంది. ప్రస్తుతం బెంగళూరులో అందుబాటులో ఉన్న ఈ సర్వీస్, త్వరలో ఇతర నగరాలకు కూడా విస్తరించే అవకాశాలు ఉన్నాయి.
Read More: Read Today’s E-paper News in Telugu
