Gachibowli Traffic Diversions : గచ్చిబౌలిలో 90 రోజుల ట్రాఫిక్ ఆంక్షలు.. జూలై 1 నుంచి కొత్త రూట్లు

Gachibowli Traffic Diversions: హైదరాబాద్‌లోని గచ్చిబౌలి IIIT జంక్షన్ వద్ద బహుళస్థాయి ఫ్లైఓవర్, అండర్‌పాస్ నిర్మాణ పనులు కొనసాగుతున్న నేపథ్యంలో సైబరాబాద్ ట్రాఫిక్ పోలీసులు కీలక ట్రాఫిక్ అడ్వైజరీ జారీ చేశారు.

జూలై 1 నుంచి 90 రోజుల పాటు DLF గేట్ నెం.1 నుంచి గచ్చిబౌలి ట్రాఫిక్ పోలీస్ స్టేషన్ వరకు ట్రాఫిక్ ఆంక్షలు అమల్లో ఉంటాయి.

Gachibowli Traffic Diversions రాడిసన్ హోటల్ నుంచి IIIT జంక్షన్ వెళ్లేవారికి

రాడిసన్ హోటల్ నుంచి వచ్చే వాహనాలు DLF గేట్ నెం.1 వరకు మాత్రమే వెళ్లేందుకు అనుమతి ఉంటుంది.
DLF గేట్ నెం.1 దాటి వాహనాల రాకపోకలను నిలిపివేస్తారు.
ప్రయాణికులు గచ్చిబౌలి జంక్షన్ → ఇందిరానగర్ → IIIT జంక్షన్ మార్గాన్ని ఉపయోగించాలి.
TCS Non-SEZ (CMC) గేట్ ద్వారా వెళ్లే ఉద్యోగులకు సాధారణ ప్రవేశం కొనసాగుతుంది.

లింగంపల్లి నుంచి DLF వెళ్లేవారికి

లింగంపల్లి వైపు నుంచి వచ్చే వాహనాలను గచ్చిబౌలి ట్రాఫిక్ పోలీస్ స్టేషన్ వద్ద మళ్లిస్తారు.
అక్కడి నుంచి IIIT జంక్షన్ → గచ్చిబౌలి జంక్షన్ → రాడిసన్ జంక్షన్ మీదుగా DLF చేరుకోవాలి. ట్రాఫిక్ రద్దీకి సిద్ధంగా ఉండండి

ఫ్లైఓవర్ నిర్మాణ పనులు సుమారు ఏడాది పాటు కొనసాగే అవకాశం ఉందని అధికారులు తెలిపారు.

దీంతో IIIT జంక్షన్, గచ్చిబౌలి, DLF రోడ్ పరిసరాల్లో ట్రాఫిక్ రద్దీ పెరిగే అవకాశం ఉంది.

Gachibowli Traffic Diversions పోలీసుల సూచనలు

ప్రత్యామ్నాయ మార్గాలను వినియోగించండి.
ఆఫీస్‌కు కొంత ముందుగానే బయలుదేరండి.
ట్రాఫిక్ పోలీసుల సూచనలు తప్పనిసరిగా పాటించండి.
ముఖ్యంగా ఐటీ ఉద్యోగులు ట్రాఫిక్ అప్డేట్లను గమనిస్తూ ప్రయాణం ప్లాన్ చేసుకోవాలని అధికారులు సూచించారు.