తెలంగాణ పత్రిక (APR.13), Siddipet 2025 – సిద్దిపేట జిల్లా నంగునూరు మండల కేంద్రానికి చెందిన దేవులపల్లి రమేశ్ ప్రముఖ సాహిత్య సేవలకుగాను “సాహిత్య శిల్పి” బిరుదుతో గౌరవించబడ్డారు. ఈ అవార్డు హైదరాబాద్ చిక్కడపల్లిలోని త్యాగరాయ గాన సభలో ఆదివారం నిర్వహించిన వేడుకలో ప్రదానం చేశారు.
ఈ అవార్డు కార్యక్రమం రామదాసు సాహితీ కళాసేవా సంస్థ ద్వితీయ వార్షికోత్సవం సందర్భంగా జరిగింది. రమేశ్ గారి సాహిత్య సేవలు, తెలుగు భాషా అభివృద్ధికి ఆయన చేసిన కృషికి గుర్తింపుగా ఈ గౌరవం లభించింది.
కార్యక్రమానికి ట్రాఫిక్ అడిషనల్ డీసీపీ తేజావత్ రామదాసు విశిష్ట అతిథిగా హాజరయ్యారు. డాక్టర్ రాజగోపాల్, డాక్టర్ రాధా కుసుమ, రామకోటేశ్వరరావు తదితర ప్రముఖులు ముఖ్య అతిథులుగా పాల్గొన్నారు.
ఈ సందర్భంగా దేవులపల్లి రమేశ్ మాట్లాడుతూ, “తెలుగు భాషను కాపాడుకోవాల్సిన బాధ్యత ప్రతి ఒక్కరిపై ఉంది. ఈ గౌరవం నాకు మరింత బాధ్యతను కలిగించింది,” అని తెలిపారు. ఈ కార్యక్రమంలో పలువురు కవులు, కళాకారులు – రామకృష్ణ, చంద్రమౌళి, రవీంద్రబాబు, మేటూరి నారాయణరావు, భీమ శ్రీనివాసరావు పాల్గొన్నారు.
Read More: Read Today’s E-paper News in Telugu
