Revanth Reddy Delhi Politics : ఇటీవలి కాలంలో తెలంగాణ ముఖ్యమంత్రి ఏ. రేవంత్ రెడ్డి తరచుగా ఢిల్లీ పర్యటనలు చేస్తుండటంపై ప్రతిపక్ష బీఆర్ఎస్ విమర్శలు గుప్పిస్తోంది. సీఎం కేంద్ర పెద్దలకు వంగుతున్నారని ఆరోపణలు చేస్తోంది. ఈ నేపథ్యంలో రేవంత్ రెడ్డి ఈ విమర్శలపై పరోక్షంగా స్పందిస్తూ కీలక వ్యాఖ్యలు చేశారు.
“నేను ప్రతి మూడు నెలలకు ఒకసారి ప్రధాని నరేంద్ర మోదీని కలుస్తున్నాను. అలాగే ఇతర కేంద్ర మంత్రులతోనూ తరచుగా భేటీ అవుతున్నాను. తెలంగాణకు నిధులు, అనుమతులు తీసుకురావడానికే కేంద్రంతో మంచి సంబంధాలు కొనసాగిస్తున్నాను” అని సీఎం స్పష్టం చేశారు.
Revanth Reddy Delhi Politics Telangana
రాష్ట్ర ప్రయోజనాల కోసమే ఈ భేటీలు జరుగుతున్నాయని, ఇందులో రాజకీయ లాభనష్టాలను చూడడం లేదని ఆయన తెలిపారు. తెలంగాణ అభివృద్ధే తన ప్రథమ లక్ష్యం అని స్పష్టంగా చెప్పారు.
ప్రతిపక్ష నేతలు అనవసరంగా విమర్శలు చేయకుండా, రాష్ట్రానికి సంబంధించిన సమస్యలను సూచిస్తే, వాటిని కేంద్ర ప్రభుత్వ దృష్టికి తీసుకెళ్లి పరిష్కారం సాధించేందుకు తాను సిద్ధంగా ఉన్నానని రేవంత్ రెడ్డి పేర్కొన్నారు.
రాష్ట్ర అభివృద్ధి కోసం వ్యక్తిగత అహంకారాలు, రాజకీయ విభేదాలను పక్కనపెట్టి కేంద్రంతో సమన్వయం అవసరం అని సీఎం వ్యాఖ్యలు చేయడం రాజకీయ వర్గాల్లో చర్చనీయాంశంగా మారింది.
తెలంగాణకు మేలు జరగాలంటే కేంద్ర ప్రభుత్వ సహకారం తప్పనిసరి అని, అందుకే సానుకూల సంబంధాలు కొనసాగిస్తున్నానని సీఎం రేవంత్ రెడ్డి స్పష్టంగా చెప్పడం ద్వారా బీఆర్ఎస్ ఆరోపణలకు గట్టి కౌంటర్ ఇచ్చినట్లైంది.
Read More: Read Today’s E-paper News in Telugu
