Congress victory in Telangana municipal elections: రాబోయే తెలంగాణ మున్సిపల్ ఎన్నికల్లో కాంగ్రెస్ పార్టీ ఘన విజయం సాధించడం ఖాయం అని రాష్ట్ర మంత్రి పొన్నం ప్రభాకర్ ధీమా వ్యక్తం చేశారు. రాష్ట్ర అభివృద్ధి ప్రణాళికాబద్ధంగా సాగుతోందని ఆయన అన్నారు.
కరీంనగర్లోని శ్రీ గిడ్డే పేరుమాండ్ల స్వామి ఆలయాన్ని సందర్శించి ప్రత్యేక పూజలు నిర్వహించిన అనంతరం మీడియాతో మాట్లాడిన మంత్రి, గత బీఆర్ఎస్ ప్రభుత్వంపై తీవ్ర విమర్శలు చేశారు.
బీఆర్ఎస్ పాలనలో ప్రజలకు ఇళ్ల కల నెరవేరలేదని ఆరోపించిన పొన్నం ప్రభాకర్, కాంగ్రెస్ ప్రభుత్వం ఆర్థిక ఇబ్బందులు ఉన్నప్పటికీ ప్రజా సంక్షేమాన్ని ముందుకు తీసుకెళ్తోందన్నారు.
Congress victory in Telangana municipal elections కాంగ్రెస్ ప్రభుత్వం అమలు చేస్తున్న ముఖ్యమైన పథకాలుగా
- ఇందిరమ్మ ఇళ్లు,
- రేషన్ కార్డుల జారీ,
- మహిళలకు ఉచిత బస్సు ప్రయాణం,
- ఇందిరమ్మ క్యాంటీన్లు వంటివి ప్రజల్లో మంచి స్పందన పొందుతున్నాయని తెలిపారు.
అదేవిధంగా, గ్రామీణ ఉపాధి హామీ పథకాన్ని నిర్వీర్యం చేసేందుకు కేంద్ర ప్రభుత్వం ప్రయత్నిస్తోందని ఆయన ఆరోపించారు. ఈ పథకం గ్రామీణ ప్రజలకు కీలకమని, దాన్ని కాపాడాల్సిన బాధ్యత రాష్ట్ర ప్రభుత్వంపై ఉందన్నారు.
మహిళా అధికారులను అవమానించే వారిపై చట్టప్రకారం కఠిన చర్యలు తప్పవని మంత్రి స్పష్టం చేశారు. ప్రజల పక్షాన నిలిచే ప్రభుత్వం కాంగ్రెస్ ప్రభుత్వమేనని, అందుకే మున్సిపల్ ఎన్నికల్లో ప్రజలు కాంగ్రెస్కు పట్టం కడతారని పొన్నం ప్రభాకర్ విశ్వాసం వ్యక్తం చేశారు.
Read More: Read Today’s E-paper News in Telugu
