DSP Yellamma movie glimpse: రాక్స్టార్ దేవి శ్రీ ప్రసాద్ (DSP) హీరోగా నటిస్తున్న తొలి చిత్రం ‘యెల్లమ్మ’ పై ప్రేక్షకుల్లో భారీ అంచనాలు నెలకొన్నాయి. బలగం ఫేమ్ దర్శకుడు వేణు యెల్దండి తెరకెక్కిస్తున్న ఈ ప్రతిష్టాత్మక సినిమాను దిల్ రాజు సమర్పణలో, శిరీష్ నిర్మిస్తున్నారు.
మకర సంక్రాంతి సందర్భంగా చిత్రబృందం విడుదల చేసిన కాన్సెప్ట్ గ్లింప్స్ ప్రేక్షకులను మంత్ర ముగ్ధులను చేసింది. గాలిలో తిరుగుతూ ఆకాశంలోకి ఎగిరే వేపాకు, ఒక్కసారిగా దేవత రూపం దాల్చడం… ఆ వెంటనే కురుస్తున్న వర్షంలో నుంచి శక్తివంతంగా బయటికొచ్చే దృశ్యాలు గ్లింప్స్కు ప్రత్యేక ఆకర్షణగా నిలిచాయి.
వాన మధ్యలో వెనుకభాగంలో డోలు మోస్తూ, అర్ధనగ్నంగా కనిపించిన DSP లుక్ ప్రేక్షకులను ఆశ్చర్యానికి గురిచేసింది. అతడి చుట్టూ తిరిగే మేకతో పాటు ‘పర్షి’ అనే పాత్ర పరిచయం కావడం గ్లింప్స్కు మిస్టిక్ టచ్ ఇచ్చింది.
వేపాకు, పసుపు, కుంకుమ రంగుల మేళవింపు సినిమాకు పక్కా గ్రామీణ–ఆధ్యాత్మిక వాతావరణం తీసుకొచ్చింది. DSP నుంచి వచ్చే డోలు బీట్స్, అతడి రగ్డ్ లుక్ సినిమాపై అంచనాలను రెట్టింపు చేశాయి.
DSP Yellamma movie glimpse ఈ సినిమాను తెలుగు, తమిళ, కన్నడ, మలయాళంతో పాటు హిందీలో కూడా విడుదల చేయనున్నట్లు నిర్మాతలు ప్రకటించారు. మిగతా నటీనటులు, సాంకేతిక బృంద వివరాలు త్వరలో వెల్లడించనున్నారు.
మొత్తంగా, ‘యెల్లమ్మ’ గ్లింప్స్ సాంస్కృతిక మిస్టిసిజం, గ్రామీణ శక్తి, ఆధ్యాత్మిక భావనల మేళవింపుతో ప్రేక్షకులను గట్టిగా ఆకట్టుకుంటోంది. DSP హీరోగా ఎలాంటి ప్రభావం చూపిస్తాడో చూడాలని సినీ అభిమానులు ఆసక్తిగా ఎదురుచూస్తున్నారు.
Read More: Read Today’s E-paper News in Telugu
