Allu Arjun Sandhya Theatre Stampede Case : అల్లు అర్జున్‌పై చార్జ్‌షీట్ దాఖలు చేసిన హైదరాబాద్ పోలీసులు..

Allu Arjun Sandhya Theatre Stampede Case: హైదరాబాద్‌లోని సంధ్య థియేటర్‌లో పుష్ప 2 సినిమా ప్రీమియర్ సందర్భంగా జరిగిన విషాద ఘటనకు సంబంధించి కీలక పరిణామం చోటుచేసుకుంది. ఈ కేసులో ప్రముఖ సినీ నటుడు అల్లు అర్జున్ సహా మొత్తం 23 మందిపై హైదరాబాద్ పోలీసులు చార్జ్‌షీట్ దాఖలు చేశారు.

డిసెంబర్ 4, 2024న జరిగిన ప్రత్యేక ప్రదర్శనకు అల్లు అర్జున్ హాజరుకావడంతో థియేటర్ పరిసరాల్లో భారీగా అభిమానులు గుమికూడారు. నటుడిని చూడటానికి వచ్చిన జన సమూహం అదుపు తప్పడంతో తొక్కిసలాట చోటుచేసుకుంది. ఈ ఘటనలో ఎం. రేవతి (39) అనే మహిళ మృతి చెందగా, ఆమె కుమారుడు తీవ్రంగా గాయపడి చికిత్స పొందుతున్నాడు.

Allu Arjun Sandhya Theatre Stampede Case ఈ ఘటనపై విచారణ చేపట్టిన చిక్కడపల్లి పోలీసులు, అల్లు అర్జున్‌తో పాటు థియేటర్ యాజమాన్యం, ఆయనతో వచ్చిన 8 మంది బౌన్సర్లు, ఇతర సిబ్బందిపై కేసు నమోదు చేశారు. దర్యాప్తు అనంతరం తాజాగా కోర్టులో చార్జ్‌షీట్ దాఖలు చేసినట్లు పోలీసులు వెల్లడించారు.

ప్రీమియర్ సమయంలో భద్రతా ఏర్పాట్లలో నిర్లక్ష్యం, జన నియంత్రణ లోపాలు, సరైన అనుమతులు లేకపోవడం వంటి అంశాలపై పోలీసులు అభియోగాలు మోపారు. ఈ కేసు తెలుగు సినిమా పరిశ్రమలోనే కాకుండా, ప్రజా భద్రత అంశంపై కూడా పెద్ద చర్చకు దారితీసింది.