TELANGANA PATRIKA (MAY 3) , Collector Pamela Satpathy: రానున్న విద్యా సంవత్సరంలో ప్రభుత్వం అందజేయనున్న పాఠశాల యూనిఫార్మ్‌ల నాణ్యతపై జిల్లా కలెక్టర్ పమేలా సత్పతి గారు ప్రత్యేక దృష్టి పెట్టారు. తిమ్మాపూర్ మండలం కొత్తపల్లి గ్రామంలోని యూనిఫార్మ్ కుట్టు కేంద్రాన్ని శనివారం కలెక్టర్ సందర్శించారు. ఈ కేంద్రం జిల్లా గ్రామీణ అభివృద్ధి సంస్థ ఆధ్వర్యంలో నడిపించబడుతోంది.
యూనిఫార్మ్ నాణ్యతపై Collector Pamela Satpathy దృష్టి:
స్వయం సహాయక సంఘాల మహిళలతో మాట్లాడుతూ కలెక్టర్, విద్యార్థులకు అందించే యూనిఫార్మ్‌లు నాణ్యంగా ఉండాలని, సౌకర్యంగా ఉండేలా డబుల్ స్టిచ్ వేయాలని సూచించారు. నిర్ణయించిన ధర కంటే రూ.2 అదనంగా చెల్లించేందుకు ప్రభుత్వానికి సిద్ధత ఉందని పేర్కొన్నారు. నాణ్యత విషయంలో ఏ మాత్రం రాజీ పడకూడదని స్పష్టం చేశారు. కుట్టు పనులు సమయానికి పూర్తిచేయాలని, అనంతరం మండల సమాఖ్య అధ్యక్షురాలు ప్రతి యూనిఫార్మ్‌ను క్షుణ్ణంగా పరిశీలించాలని సూచించారు. కొత్తపల్లి పరిధిలోని 13 పాఠశాలల విద్యార్థులకు ఈ యూనిఫార్మ్‌లు సిద్ధం చేస్తున్నట్లు అధికారులు తెలిపారు.
ఈ సందర్శనలో అడిషనల్ కలెక్టర్ ప్రపుల్ దేశాయ్, డి.ఆర్.డి.ఏ పీడీ వేణుమాధవ్ పాల్గొన్నారు.
ఇందిరమ్మ మోడల్ ఇల్లు పరిశీలించిన కలెక్టర్
తదుపరి కార్యక్రమంగా, తిమ్మాపూర్ తహసిల్దార్ కార్యాలయం ఆవరణలో రూ.5 లక్షల వ్యయంలో నిర్మిస్తున్న ఇందిరమ్మ మోడల్ ఇల్లు నిర్మాణాన్ని కలెక్టర్ పరిశీలించారు. మండల కేంద్రాల్లో మోడల్ ఇండ్ల నిర్మాణాన్ని వేగంగా పూర్తిచేయాలని కలెక్టర్ ఆదేశించారు.
ఈ ఇల్లు మోడల్ ద్వారా లబ్ధిదారులకు నిర్మాణ వ్యయంపై స్పష్టత వచ్చే అవకాశం ఉందని, నిర్మాణ పరంగా ఒక ప్రామాణిక నమూనా అందించగలదని ఆమె తెలిపారు. అలాగే, తహసిల్దార్ కార్యాలయం ఆవరణలోని గ్రంథాలయాన్ని పరిశీలించి, ఖాళీగా ఉన్న భవనాల్లో అంగన్వాడీ కేంద్రాలు, క్యాంటీన్‌లను ఏర్పాటు చేయాలని సూచించారు. ఆవరణలో పచ్చదనం పెంచేందుకు మొక్కలు నాటాలని అధికారులను ఆదేశించారు.
ఈ కార్యక్రమంలో గృహ నిర్మాణ సంస్థ పీడీ గంగాధర్, తహసిల్దార్ కర్ర శ్రీనివాస్ రెడ్డి కూడా పాల్గొన్నారు.
Read More: Read Today’s E-paper News in Telugu
